جامبىل وبلىسىندا گيپس جانە گيپس ونىمدەرىن شىعاراتىن كاسىپورىن جاڭا ءوندىرىستى ىسكە قوستى, دەپ جازادى 24.kz..
جوبا اياسىندا 4 جاڭا قۇرىلىس ماتەريالىن وندىرەتىن تسەحتار جۇمىسىن باستادى. ەندى زاۋىتتىڭ ونىمدىلىگىن 5 ەسە كوبەيتۋگە مۇمكىندىك تۋىپ وتىر. جاڭا ءوندىرىستىڭ قۇرىلىسى 2,5 جىل بويى جۇرگىزىلدى. قازىر بۇل تسەحتەگى اپپاراتتار تولىقتاي ىسكە قوسىلىپ, العاشقى ءونىمدى بەرە باستادى. جۇيە تولىعىمەن اۆتوماتتاندىرىلعان, سوندىقتان, بۇكىل پروتسەسستى ەكى-اق ادام باسقارادى.
"بارلىعىن وسى جەردەن كورىپ وتىرامىز. قاي جەرگە قانشا توننا جىبەردىك, قانشا شىعىپ جاتىر, قانشا شىعىسى, قانشا كىرىسى بار. قاپپەن شىعارامىز, گيپساكارتون تسەحىنا جىبەرەمىز, پنەۆموترانسپورتتىڭ كومەگىمەن. قازىرگى زامان تالابىنا ساي ءبىز قولمەن ەمەس, ءبارى اۆتوماتتاندىرىلعان", - دەيدى زاۋىت وپەراتورى ەسەن تىلەۋقابىل.
ال مىنا تسەحتە ميكروكالتسيد ۇنتاعى شىعارىلادى. ونىڭ قولدانۋ اياسى كەڭ, قۇرىلىس سالاسىنان باستاپ كوسمەتولوگياعا دەيىن پايدالانىلادى. مۇندا جىلىنا 56 مىڭ توننا ءونىم دايىندالادى.
ء"بىرىنشى ەتاپتا ءبىز قۇرىلىس ماتەريالدارىنا قاجەتتى ولشەمى 70, 100 ميكروندى كالتسيد ۇنتاعىن شىعارۋدامىز. ەكىنشى ەتاپتا ەڭ كۇردەلى سانالاتىن 5 ميكرونعا دەيىن كالتسيد ۇنتاعىن شىعارۋ جوسپاردا. جانە بۇل ءوندىرىس الاڭىندا شىعارىلىپ جاتقان ونىمدەر الەمىدك ستاندارتتارعا ساي", - دەيدى زاۋىت باسشىسىنىڭ ورىنباسارى ديمار مەلسين.
كاسىپورىنداعى تاعى ءبىر جاڭالىق قازاقستان اۋماعىندا العاشقى رەت پەرليت اتتى ماتەريال وندىرىلە باستادى. ول قۇرىلىس پەن اۋىل شارۋاشىلىعى سالالارىنا اسا قاجەت. جىلىنا 80 مىڭ تەكشە وسى تاۋار ءتۇرىن شىعارۋ جوسپاردا. جالپى, كومپانيا بيىلدان باستاپ بارلىق ءونىم تۇرلەرىنىڭ كولەمىن ەسەلەۋدى كوزدەپ وتىر. ونىڭ ىشىندە 170 مىڭ توننا گيپس, 100 مىڭ توننا قۇرعاق قۇرىلىس قوسپالارى وندىرىلمەكشى.
"جامبىلگيپس اق مەملەكەتتىك «بيزنەستى دامىتۋ» باعدارلاماسى اياسىندا تمد ەلدەرىندە گيپس وندىرۋدەگى ەڭ ءىرى, قۋاتتى يننوۆاتسيالىق جوبانى ىسكە قوستى. بۇل جوبانىڭ ىسكە قوسىلۋى كومپانيانىڭ بىرىنشىدەن قارجى دارەجەسى وسەدى. جانە ساپالى, ارزان ءونىم شىعارۋعا, ءونىمنىڭ وزىندىك قۇنىن ازايتۋعا مۇمكىندىگىمىز بولادى. كومپانيا 35 پايىزىن ەكسپورتقا شىعارۋعا دايىن", - دەيدى زاۋىت باسشىسى قايناربەك قۇسايىنوۆ.
بۇل جامبىلدا جاسالعان مۇنداي تاۋار تۇرلەرى شەت ەلدىك كومپانيالارمەن باسەكەلەستىككە تۇسەدى دەگەن ءسوز. قازىردىڭ وزىندە رەسەي, قىرعىزستان, تاجىكستان جانە وزبەكستان ەلدەرى زاۋىتتىڭ جاڭا ونىمدەرىنە اسا قىزىعۋشىلىق تانىتىپ وتىر. بۇل جۇمىستاردىڭ بارلىعى زاۋىتتى جاڭالاۋ جانە قايتا جاڭعىرتۋ جوباسى اياسىندا جۇزەگە اسىپ وتىر.