««قازاقكونتسەرت» مەملەكەتتىك كونتسەرتتىك ۇيىمى» باسشىلىعىنىڭ ۇيىمداستىرۋىمەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى اعىمداعى جىلعا ارنالعان ەلباسى جولداۋىن ءتۇسىندىرۋ ماقساتىندا دوڭگەلەك ۇستەل بولىپ ءوتتى.
ماڭگىلىك ەل - اتا-بابامىزدىڭ سان عاسىرلار بويى ارمانداپ وتكەن اسىل ارمانى. ەلىمىزدىڭ وسىنداي بيىك بەلەسكە جەتۋى, الەم مويىنداعان قازاقستان رەسپۋبليكاسى اتانۋى - بابالارىمىزدىڭ جاۋ جەلكەدەن العاندا, اق بىلەكتىڭ كۇشىمەن, اق نايزانىڭ ۇشىمەن سان عاسىرلار بويى كۇرەسۋىنىڭ جەمىسى. ەلباسىمىز 30 قاڭتار كۇنى اقوردادان ءداستۇرلى جولداۋىن قازاقستان حالقىنا جاريالادى. مەملەكەتىمىزدىڭ ءۇشىنشى مۇشەلگە اياق باسقان شاعىندا جاريالانعان جولداۋى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» دەپ اتالادى. ەلباسىمىزدىڭ ءاربىر جولداۋى - تولعاۋى تەرەڭ قايتالانباس دۇنيە. ماڭگىلىك ەل بولۋ جولىندا كوشباسشىمىزدىڭ جاساعان ءاربىر قادامى قاناتىمەن سۋ تاسىعان قارلىعاشتىڭ تىرشىلىگىندەي ەكەنى داۋسىز.
وسىنداي ەڭبەكتىڭ ولشەۋسىز ەكەنىن ۇعىندىرىپ, جان-جاقتى ءتۇسىندىرۋ ماقساتىندا قر مادەنيەت جانە سپورت مينيسترلىگىنىڭ «قازاقكونتسەرت» مەملەكەتتىك كونتسەرتتىك ۇيىمى» رمقك ديرەكتورىنىڭ مىندەتىن اتقارۋشى سالتانات سەيدىمبەك, مەملەكەتتىك سىيلىقتىڭ لاۋرەاتى, اقىن نەسىپبەك ايت ۇلى, قر ەڭبەك سىڭىرگەن قايراتكەرى جانعالي جۇزباەۆ, قر ەڭبەك سىڭىرگەن قايراتكەرى ەرلان رىسقالي قاتىستى. ءىس-شارا اياسىندا 130-عا تارتا ۇجىم قىزمەتكەرلەرى مەن ارتىستەرى بولدى. مەملەكەتتىك سىيلىقتىڭ لاۋرەاتى, اقىن نەسىپبەك ايت ۇلى العاش ءسوز الىپ جاستارعا جولداۋدىڭ جارقىن بولاشاعىن بىرلەسىپ جۇزەگە اسىراتىنىمىزدى جەتكىزدى. سونىمەن قاتار, قر ەڭبەك سىڭىرگەن قايراتكەرى جانعالي جۇزباەۆ ەلباسى ن.ءا.نازارباەۆتىڭ بيىلعى جولداۋىنان دامۋدىڭ جارقىن بەلەستەرىن ايقىندايتىنىمىز حاق. بۇل باس قۇجاتتىڭ بۇرىنعى جولداۋلاردان ماڭىزى ايرىقشا. ونىڭ ورىندالۋى بارىسىندا ناقتىلاپ بەرگەن جوسپاردى بىرلىك پەن بەرەكەمىز جاراستىرىپ, جۇزەگە اسىرۋىمىز شارت ەكەنىن ايتىپ ءوتتى.
ن.ءا.نازارباەۆ ايتقانداي, ءححى عاسىر قازاق ەلىنىڭ تاريحىندا ويىپ تۇرىپ ورىن الار «التىن عاسىر» دەگەن اتپەن ماڭگىلىك قالۋى كەرەك. ماڭگىلىك ەل بولۋ جولىندا بىزگە ەشتەڭە دە كەدەرگى ەمەس. سەبەبى ءبىزدىڭ مەملەكەتتىك ءتىلىمىز, سالت-ءداستۇرىمىز, ۇلان-بايتاق جەرىمىز, بىرلىگى جاراسقان حالقىمىز دا بار. تاۋەلسىزدىككە قول جەتكىزگەن ساتتەن باستاپ, قازاق ەلى قارقىندى دامىپ, الەمدىك دەڭگەيدەگى باسەكەگە قابىلەتتى وزىق ەلدەردىڭ قاتارىنا ەندى.