17 ناۋرىزدا ماسكەۋدە حالىقارالىق ەكونوميكالىق فورۋم وتەدى, دەپ حابارلايدى abctv.kz تمد اتقارۋشى كوميتەتىنىڭ سايتىنا سىلتەمە جاساپ.
وعان تمد مۇشە مەملەكەتتەردىڭ ۆيتسە-پرەمەرلەرى, مينيسترلەر, تمد ەكونوميكالىق كەڭەسىنىڭ مۇشەلەرى, ەاەو, شىق باسشىلارى, ەكونوميكالىق دامۋ, قارجى, اۋىل شارۋاشىلىعى جانە ازىق-ت ۇلىك, ونەركاسىپ جانە ساۋدا, كولىك, ءبىلىم بەرۋ مينيسترلىكتەرىنىڭ جەتەكشى قىزمەتكەرلەرى, بيلىك ورگاندارى, ساۋدا-ونەركاسىپ پالاتالارى, سالالىق بىرلەستىكتەر مەن بانك قاۋىمداستىقتارى وكىلدەرى قاتىسادى. سونداي-اق فورۋمعا تمد-عا قاتىسۋشى ەلدەردىڭ كاسىپكەرلەرى كەلەدى. فورۋم تاۋەلسىز مەملەكەتتەرى دوستاستىعىنىڭ ەكونوميكالىق كەڭەسىنىڭ كەزەكتى وتىرىسىمەن قاتار وتەدى.
فورۋم اياسىندا جوبالار كورمەسى, تسيفرلىق ەكونوميكا, ەركىن كاسىپكەرلىك, ەركىن ساۋدا ايماعى تۋرالى شارتتى ىسكە اسىرۋ شەڭبەرىندە سالالىق ىنتىماقتاستىقتىڭ ءرولى, ەكولوگيالىق جانە ازىق-ت ۇلىك قاۋىپسىزدىگىن قامتاماسىز ەتۋ, زاماناۋي ءىت-شەشىمدەردى پايدالانۋ, تمد كەڭىستىگىندە قارجى-بانكتىك ءوزارا ءىس-قيمىل پەرسپەكتيۆالارىنا ارنالعان تاقىرىپتىق سەكتسيالار ۇيىمداستىرىلادى.