پولشادا ەرلەر اراسىندا دزيۋدودان ەۋروپنىڭ اشىق كۋبوگى ءوتتى. جارىسقا قازاقستان اتىنان 28 بالۋان قاتىسىپ, 1 كۇمىس جۇلدە يەلەندى. بۇل تۋرالى sports.kz حابارلادى.
100 كيلوعا دەيىنگى سالماقتا سىنعا تۇسكەن ماكسيم راكوۆ ەل قورجىنىنا جالعىز مەدالدى سالدى.
العاشقى بەلدەسۋدە ول ۋكراينالىق دانيل حيتسولۋدى جەڭسە, ەكىنشى كەزدەسۋدە اۆستراليالىق ماكسيميليان حەجەندەرۋدى يپپونعا ءتۇسىردى. سونىمەن قاتار, تاتامي يەسى جاكۋب ۋوتسيكتەن, بەلورۋس سپورتشىسى ميكيتا سۆيرۋدان ايلاسىن اسىرا ءبىلدى. الايدا, اقتىق سىندا فارا ەرونعا ەسە جىبەرىپ, ەكىنشى ورىنعا تۇراقتادى.
ەۋروپانىڭ اشىق كۋبوگى پولشانىڭ كاتوۆيتسا قالاسىندا ءوتتى. جارىسقا ەۋروپاندان, ازيادان, وڭتۇستىك امەريكادان, سولتۇستىك امەريكادان جانە افريكادان بارلىعى 24 مەملەكەتتىڭ دزيۋدوشىلارى قاتىستى.