قازاقستان مەن تمد ەلدەرىندە Qoovee.com اتتى بىرىڭعاي ونلاين ساۋدا الاڭى اشىلدى. الاڭ 14 مىڭنان استام ءوندىرۋشى مەن تاسىمالداۋشىنىڭ باسىن قوسىپ وتىر.
Qoovee وندىرۋشىلەرى مەن تاسىمالداۋشىلارى ءۇشىن بۇل ساتۋ ارناسى جانە ديلەرلەر مەن ديستريۋبيتەرلەر جەلىسىن كەڭەيتۋ ورنى. مۇندا كاسىپكەرلەرگە ينتەرنەت دۇكەن ۇسىنىلىپ, تمد ەلدەرى ءۇشىن تاسىمالداۋشىلار كاتالوگى ۇسىنىلادى. كوتەرمە تاپسىرىس بەرۋشىلەرى ءۇشىن بۇل الىپساتارسىز تىكەلەي ساۋدا الاڭى.
تاياۋدا ەۋرازيالىق ەكونوميكالىق كوميسسيا ەاەو ەلدەرىنىڭ ۇكىمەتىنە "ساندىق فابريكا" تۇجىرىمداماسىن ۇسىندى. ول ەاەو ەلدەرىنىڭ ونەركاسىبىن ساندىق جۇيەگە وتكىزۋ بويىنشا ۇسىنىس.
ايتا كەتەيىك, ەاەو ەلدەرىنىڭ ىشكى جالپى ءونىمىنىڭ ىشىندە ساندىق ەكونوميكانىڭ ۇلەسى 2,8 پايىز (85 ملرد دوللار). الدىن الا بولجام بويىنشا, 2025 جىلعا قاراي ەاەو ەلدەرىنە ساندىق ەكونوميكانىڭ ۇلەسى 20 پايىزعا جەتپەك. ال ساندىق ەكونوميكانىڭ دامۋىندا ەلەكتروندى ساۋدا الاڭىنىڭ ماڭىزى جوعارى.