رەسپۋبليكانىڭ سولتۇستىك-باتىس جانە وڭتۇستىك بولىگىندە اتموسفەرالىق اعىمداردىڭ وتۋىنە بايلانىستى اۋا رايى قۇبىلمالى بولادى. كەي جەرلەردە تۇمان, جاياۋ بۇرقاسىن بولىپ, جەل كۇشەيەدى, دەپ حابارلايدى «قازگيدرومەت» رمك.
الماتى وبلىسى جالاڭاشكول اۋدانىندا 18-23 م/س جىلدامدىقپەن جەل سوعىپ, ەكپىنى 28 م/س دەيىن جەتەدى, كەي جەرلەردە تۇندە تۇمان ءتۇسۋى ىقتيمال.
جامبىل, وڭتۇستىك-قازاقستان, قاراعاندى وبلىستارىنىڭ كەي جەرلەرىنە تۇمان ءتۇسىپ, جەلدىڭ جىلدامدىعى 15-20 م/س دەيىن ارتادى. قوستاناي وبلىسىنىڭ كەي جەرلەرىندە تۇمان ءتۇسىپ, 18 م/س جىلدامدىقپەن جەل سوعادى.
قىزىلوردا, باتىس قازاقستان, اتىراۋ, اقتوبە, پاۆلودار, شىعىس قازاقستان وبلىستارىندا, سولتۇستىك قازاقستان وبلىسىنىڭ كەي جەرلەرىندە تۇمان تۇسەدى. اتىراۋ وبلىسىنىڭ كەي جەرلەرىندە كوكتايعاق بولۋى مۇمكىن.