رۋحاني-يننوۆاتسيالىق ستراتەگيا دا قاجەت

ءبىلىم جانە عىلىم مينيسترلىگىنىڭ عىلىم كوميتەتىنە قاراستى في­لو­سوفيا, ساياساتتانۋ جانە ءدىن­تا­نۋ ينستيتۋتىندا مەملەكەت باسشى­سى نۇرسۇلتان نازارباەۆتىڭ «قازاق­ستان­نىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى قازاقستان حالقىنا جولداۋىن تال­قى­لاۋعا ارنالعان سەمينار ءوتتى. سەميناردىڭ مودەراتورى بولعان في­لو­سوفيا, ساياساتتانۋ جانە ءدىنتانۋ ينس­تي­تۋ­تى فيلوسوفيا ءبولىمىنىڭ مەڭگەرۋشىسى, في­لو­س­وفيا عىلىمدارىنىڭ دوكتورى اياجان سا­عي­قىزىمەن قاتار, اتالعان ينس­تي­تۋت­ دي­رەك­تورىنىڭ عى­لىمي جۇمىستار ءجونىن­دەگى ورىنباسارى سەرىك نۇر­مۇ­راتوۆ, فيلوسو­فيا ءبولىمىنىڭ عىلىمي قىز­مەتكەرى ەرمەك توق­­تا­روۆ بايانداما جا­ساپ, قوعامدىق ءومىردىڭ الەۋ­­مەت­تىك-گۋما­ني­­تارلىق بولىگىن جان-جاقتى دا­مىتۋ تا­قى­رى­بىنا كەڭىنەن توقتالىپ ءوتتى. «قازىرگى تاڭدا ادامي بولمىس, ونەر, عى­لىم تازا تەحنوكراتتىق جولمەن, ياعني ادام­عا ادام رەتىندە جاۋاپ بەرە المايتىن جول­مەن دامي باستاعانداي. ترانسگۋمانيزم, پوستا­دامدىق يدەيا, قوعام ءومىرىنىڭ بارلىق سا­لا­لارىنىڭ روبوتتانۋى رۋحاني, گۋ­ما­ني­تارلىق باستاۋمەن تەڭەستىرىلمەگەن, سون­دىقتان ادام بويىنداعى ادامدىقتى با­سىپ تاستاماق. ادامنىڭ رۋحاني الەمىن باي­ىتۋ قازىرگى تاڭدا ستراتەگيالىق ءمىن­دەت بولىپ تابىلادى. سوندىقتان عى­لى­م­- ­نىڭ تەحنيكانىڭ, تەحنولوگيانىڭ, «تسيفر­لى قازاقستاندى» دامىتۋدان وزگە, گۋ­ما­ني­تارلىق عىلىم, ادامگەرشىلىك تاربيە, ءدۇ­نيە­تانىمدىق اعارتۋشىلىق دامۋ سياق­تى رۋحاني-يننوۆاتسيالىق ستراتەگيا دا قا­جەت», – دەگەن ءتۇيىن جاساستى فيلوسوف عا­لىمدار. سونداي-اق, سەميناردا ءسوز سويلەگەن ابىلاي حان اتىنداعى قازحقجاتۋ حا­لىق­­ارالىق قاتىناستار كافەدراسىنىڭ پرو­فەسسورى, فيلوسوفيا عىلىمدارىنىڭ دوك­­تورى ساعادي بولەكباەۆ, قازاقستان گۋ­­مانيتارلىق-ساياسي كونيۋنكتۋرا ور­تا­­لىعىنىڭ پرەزيدەنتى, ساياساتتانۋ عى­­­لىمدارىنىڭ دوكتورى, پروفەسسور ەسەن­جول الياروۆ گۋمانيتارلىق ءبىلىم كور­پۋ­سى اياسىندا فيلوسوفتاردىڭ, ءدىن­تا­نۋ­شى­لاردىڭ, ساياساتتانۋشىلاردىڭ, پسي­حو­لوگ­تاردىڭ, تاريحشىلاردىڭ جانە باسقا دا گۋمانيتارلىق سالا عالىمدارىنىڭ عى­­لى­مي تالپىنىستارىن بىرىكتىرىپ, جۇيە­لەن­­دىرۋ قاجەت دەگەن پىكىرلەرىمەن ءبولىستى. اتالعان شاراعا بىرقاتار عىلىمي-زەرت­تەۋ ينستيتۋتتارىنىڭ قىزمەتكەرلەرى, ءال-فارابي اتىنداعى قازاق ۇلتتىق ۋني­ۆەر­سيتەتىنىڭ PhD دوكتورانتتارى مەن ما­گيسترانتتارى قاتىستى. ولار پرەزيدەنت جولداۋىنىڭ نە­گىز­گى تۇجىرىمدارىن قازاقستاندىق في­لوسوفيانىڭ ماقساتتارى اياسىندا قاراس­تى­را وتىرىپ, قازاقستانداعى جاڭارۋ ۇردىستەرىن ادىسنامالىق جانە دۇنيەتانىمدىق تۇرعىدان تالقىلادى. ميرا بايبەك, «ەگەمەن قازاقستان» الماتى