ەلباسى نۇرسۇلتان نازارباەۆ حالىققا ارناعان كەزەكتى جولداۋىندا ايتقانداي, ەلىمىز ءوزىنىڭ 25 جىلدىق دامۋ كەزەڭىنەن ابىرويمەن ءوتتى. شيرەك عاسىردا ەلىمىزدىڭ جەتكەن جەتىستىگىن الەم جۇرتى جوعارى باعالادى. بۇل ەلباسى جۇرگىزگەن سارا ساياساتتىڭ جەمىسى دەپ بىلەمىن.
بيىلعى جىل دا ەلىمىز ءۇشىن تابىستى جىل بولماق. الماتىدا وتكەن ۋنيۆەرسيادا-2017 سپورت ويىندارى سونىڭ باستاۋى. ال جازدا استانادا ەكسپو-2017 حالىقارالىق كورمەسى وتپەك. استانانى دا ۇل-قىزدارىمنىڭ ارقاسىندا ارالاپ كوردىم. تاڭعالدىم. بالام وقىعاندا بارعانداعى تسەلينوگرادتان مۇلدە بولەك, عاجاپ قالاعا اينالىپتى ەلوردامىز.
بۇعان دەيىن دە قازاقستان تالاي حالىقارالىق ۇيىمدارعا ءتوراعالىعىن ابىرويمەن وتكىزدى. ەندى, مىنە, بيىلدان باستاپ قازاقستان بىرىككەن ۇلتتار ۇيىمى قاۋىپسىزدىك كەڭەسىنىڭ مۇشەسى بولىپ وتىر. بۇل كەڭەس جۇمىسىنا ەلباسى تىڭ سەرپىن بەرىپ, ءوز مىندەتىن ۇلكەن جاۋاپكەرشىلىكپەن وتكەرەدى دەگەن سەنىمدەمىن.
ەلباسىنىڭ جىل سايىنعى حالىققا ارناعان جولداۋىن تەلەديداردان تىڭداۋشى ەدىم. بۇل جولى گازەت بەتىنەن وقىپ تانىستىم. جولداۋدا ەلباسى الداعى 25 جىلدا ءبىزدى بۇدان دا بيىك بەلەستەر كۇتىپ تۇر دەيدى. «الدىمىزدا قانداي قيىندىقتار كەزدەسسە دە, ولاردى ەڭسەرە الاتىنىمىزعا سەنىمدىمىن. ءبىزدىڭ باستى كۇشىمىز – بىرلىكتە.
قازاقستاندى كەيىنگى ۇرپاق ءۇشىن بۇدان دا ءوسىپ-وركەندەگەن ەلگە اينالدىرامىز!» دەگەن ەلباسى ءسوزى كوڭىلىمە دەمەۋ بولىپ تۇر. ءبىز اسارىمىزدى اسادىق, جاسارىمىزدى جاسادىق, ەندى ەلباسى ايتقانداي, ءبىز كورمەگەن جاقسىلىقتى نەمەرە, شوبەرەلەرىمىز كورسىن. ەلىمىز بۇگىنگىدەندە ءوسىپ-وركەندەي ءتۇسسىن. اسا دامىعان وتىز ەلدىڭ قاتارىنان كورىنىپ, مارتەبەسى بيىكتەي بەرسىن دەپ تىلەيمىن.
التىن ارتاەۆا,
«التىن القا» يەگەرى
جامبىل وبلىسى