سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى ۇسىنىستاردى ەگجەي-تەگجەيلى قارادى.
وتكەن جۇما كۇنگى بولعان پارلامەنت پالاتالارىنىڭ بىرلەسكەن وتىرىسىندا دەپۋتات اسقار بەيسەنباەۆ ءبىزدىڭ كوميتەت اتىنان ۇسىنىستاردى جاريا ەتتى. ءبىزدىڭ ويىمىزشا, كونستيتۋتسيادا مەملەكەتىمىزدى قۇرۋداعى پرەزيدەنتتىڭ ەرەن ەڭبەگىن ەرەكشە اتاپ ءوتۋ قاجەت. ءبىز ادام قۇقىقتارى جونىندەگى ۋاكىلدى سەناتتىڭ بەس جىلعا سايلاۋى تۋرالى ۇسىنىستىڭ ماڭىزى زور دەپ سانايمىز. سونداي-اق, پرەزيدەنت لاۋازىمىنا ۇمىتكەرلەرگە قاتىستى جوعارى ءبىلىم تۋرالى تالاپتىڭ ەنگىزىلۋىن دە قولدايمىز.
سەنات كوميتەتتەرى قوعام الدىنداعى جوعارى ساياسي جانە ادامگەرشىلىك تۇرعىسىنداعى جاۋاپكەرشىلىكتى سەزىنە وتىرىپ, كونستيتۋتسيالىق رەفورمانى تالقىلاۋعا بەلسەندى اتسالىستى. ءبىزدىڭ ويىمىزشا, بىرلەسكەن وتىرىستا ايتىلعان ۇسىنىستاردىڭ ءبارى سالماقتى دا ساليقالى, ارقايسىسىنىڭ ماڭىزى زور. ونى بۇكىل حالىق قولدايتىنى داۋسىز.
تالعاتبەك ءابايدىلدين,
سەنات دەپۋتاتى