بۇل كونستيتۋتسيالىق وزگەرىستەر وسىدان ون جىل بۇرىنعى, پارلامەنت پەن جەرگىلىكتى ءوزىن ءوزى باسقارۋ ورگاندارىنىڭ وكىلەتتىكتەرى كەڭەيتىلگەن, ساياسي پارتيالاردىڭ مارتەبەسىن نىعايتۋدى كوزدەگەن 2007 جىلى باستالعان رەفورمالاردىڭ زاڭدى جالعاسى ەكەنى داۋسىز.
ەلىمىزدەگى بۇگىنگى ساياسي جاڭعىرۋلاردىڭ ماڭىزدى ساتىلارىنىڭ ءبىرى تەجەمە جانە ارا سالماق جۇيەسىندەگى پارلامەنت ءرولىنىڭ كۇشەيتىلۋى بولىپ تابىلادى جانە ول وزگەرىستەر ەلىمىزدىڭ كونستيتۋتسيالىق جۇيەسىنىڭ ورنىقتىلىعىن ارتتىرۋعا مۇمكىندىك بەرەدى.
قازاقستان ەلدىڭ ساياسي جاڭعىرۋى ماسەلەسىندە ەسكىنى قاناعات ەتىپ وتىرا بەرمەي, ونىڭ ورنىنا بيلىك تارماقتارىنىڭ تەپە-تەڭدىگى, ازاماتتىق قوعامنىڭ دامۋى, ساياسي شەشىمدەردى قابىلداۋعا ازاماتتاردىڭ ارالاسۋى جانە باسقا دا كورىنىستەرمەن بىرگە دەموكراتيانىڭ كلاسسيكالىق ۇلگىسىنە بىرتە-بىرتە كوشۋدى تاڭداعانىن بۇكىل الەمگە پاش ەتىپ كەلەدى.
Cەرگەي ەرشوۆ,
سەنات دەپۋتاتى