پارلامەنتتىڭ, ۇكىمەتتىڭ وكىلەتتىكتەرىن كەڭەيتۋ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ايتىلعان بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىن ىسكە اسىرۋ اياسىندا ەكونوميكانى ءۇشىنشى جاڭعىرتۋ ماقساتتارىنا ءتيىمدى قول جەتكىزۋگە قىزمەت ەتەدى.
ۇسىنىلىپ وتىرعان كونستيتۋتسيالىق رەفورما ۇكىمەتتىڭ جاۋاپكەرشىلىگى مەن دەربەستىگىن ارتتىرادى, وعان ەكونوميكانى تىكەلەي باسقارۋعا باسا نازار اۋدارۋعا مۇمكىندىك بەرەدى جانە ونىڭ ىشىندە ەلىمىزدىڭ بيۋدجەتىنە قاتىستى مىندەتتەرىن دە ساپالى تۇردە ىسكە اسىرۋدى كوزدەيدى.
زاڭ شىعارۋشى بيلىك تارماعى رەتىندە پارلامەنت ءرولىنىڭ كۇشەيۋى اتقارۋشى بيلىك قابىلداعان شەشىمدەردى ءتيىمدى باقىلاۋعا جانە حالىق الاڭداۋشىلىق بىلدىرگەن ماڭىزدى ماسەلەلەرگە ۋاقىتىندا ارەكەت ەتۋ مۇمكىندىگىن كۇشەيتەدى.
پارلامەنت سەناتى قارجى جانە بيۋدجەت كوميتەتىنىڭ وتىرىسىندا ەلىمىزدىڭ اتا زاڭىنا ۇسىنىلعان وزگەرىستەر مەن تولىقتىرۋلار مۇددەلىلىك تۇرعىسىندا قىزۋ تالقىلاندى. تالقىلاۋ بارىسىندا كوميتەت مۇشەلەرى كونستيتۋتسيالىق رەفورماعا جانە پارلامەنت دەپۋتاتتارىنىڭ پالاتالاردىڭ بىرلەسكەن وتىرىسىندا ايتقان ۇسىنىستارىنا تولىقتاي قولداۋ ءبىلدىردى.
راشيت احمەتوۆ,
سەناتتىڭ قارجى جانە بيۋدجەت كوميتەتىنىڭ توراعاسى