وتكەن 25 جىلدىڭ ىشىندە ەلىمىز قارقىندى دامىدى, جولدار دا, تۇرعىن ۇيلەر دە, عيماراتتار دا سالىندى, الەۋمەتتىك-ەكونوميكالىق جاعدايىمىز كوتەرىلدى. وسىنىڭ ءبارى ەلباسىنىڭ كورەگەن ساياساتىنىڭ ارقاسىندا جۇزەگە استى.
الەمدە بولىپ جاتقان ەكونوميكالىق جاعدايدى ەسكەرە وتىرىپ, مەملەكەت باسشىسى ەلىمىزدى كەزەڭ-كەزەڭىمەن دامىتۋ ماقساتىندا «قازاقستان-2050» ستراتەگياسى مەن ۋاقىت تالابىنا ساي مەملەكەتتىك باعدارلامالار قابىلدادى. ەلباسىنىڭ جولداۋىندا الداعى بەس جىلدا, ون جىلدا, 30 جىلداعى ەل دامۋىنداعى باسىمدىقتار ايقىن بەلگىلەنگەن.
ءبىزدىڭ الداعى مىندەتتەرىمىزدىڭ ءبىرى حالىقتىڭ الەۋمەتتىك-ەكونوميكالىق جاعدايىن جاقسارتۋ, ەلدەگى تۇراقتىلىقتى نىعايتۋ, الەم قوعامداستىعىنداعى وتانىمىزدىڭ بەدەلىن بيىكتەتۋ بولىپ تابىلادى.
ءبىزدىڭ ەلىمىز الەمدە بولىپ جاتقان الەۋمەتتىك-ەكونوميكالىق جانە ساياسي ماسەلەلەرگە شىۇ, ەاەو, اوسشك جانە باسقا دا حالىقارالىق ۇيىمدار ارقىلى ۇلەسىن قوسىپ كەلەدى. بيىلدان باستاپ ەلىمىز بۇۇ قاۋىپسىزدىك كەڭەسىنىڭ تۇراقتى ەمەس مۇشەسى لاۋازامىنا يە بولدى. بۇل ءبىزدىڭ ەلباسىمىزدىڭ جانە ەلىمىزدىڭ بەيبىتشىل ءارى بىتىمگەرشىل ساياساتىنىڭ كورىنىسى دەر ەدىم.
كەشەلى بەرى تۇڭعىش پرەزيدەنتتىڭ ەلىمىزدى ءوركەندەتۋگە سىڭىرگەن ەڭبەگىن كونستيتۋتسيادا اتاپ ءوتۋ قاجەتتىگى تۋرالى ايتىلىپ جاتىر. ول ۇسىنىستاردى تولىقتاي قولدايمىن. سوندىقتان, اتا زاڭىمىزدا ەلباسى ەڭبەگىن ەرەكشە اتاپ وتۋگە قولداۋ بىلدىرەمىن.
ەلباسى, سونداي-اق, ەلىمىزدىڭ الەۋمەتتىك-ەكونوميكالىق جاعدايى مەن ساياسي تۇراقتىلىعىن ايتپاعاندا, بۇكىل الەمدەگى حالىقارالىق جاعدايدىڭ جاقسارۋىنا وڭ ىقپال ەتىپ كەلەدى. رەسەي مەن تۇركيانىڭ قارىم-قاتىناسىنىڭ جاقسارۋىنا قوسقان ۇلەسىن ەسكە الساق تا جەتكىلىكتى بولار ەدى. سونداي-اق, سيرياداعى ارازدىقتى رەتتەۋگە دە ءبىزدىڭ ەلباسىمىزدىڭ سىڭىرگەن ەڭبەگىن ايتپاي كەتۋگە بولمايدى. سوندىقتان, وسىنداي الەمدەگى تۇراقتىلىقتى نىعايتۋعا, بەيبىتشىلىكتى ورناتۋعا, بىتىمگەرشىلىكتى ىلگەرىلەتۋگە قوسقان ۇلەسىن ەسكەرە وتىرىپ, مەملەكەت باسشىسى – ەلباسى نۇرسۇلتان نازارباەۆتى نوبەل سىيلىعىنا ۇسىنۋ تۋرالى ۇسىنىستى قولدايمىن.
ەربولات مۇقاەۆ,
سەنات دەپۋتاتى