پارلامەنت سەناتىنىڭ تۇراقتى كوميتەتتەرىنىڭ وتىرىستارىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
زاڭ جوباسى مەملەكەتتىك باسقارۋدىڭ تيىمدىلىگىن ارتتىرۋ مەن ساياسي جۇيەنى ودان ءارى دەموكراتيالاندىرۋ ماقساتىندا ازىرلەندى.
تۇراقتى كوميتەتتەر زاڭ جوباسىنا, سونداي-اق, پارلامەنت پالاتالارىنىڭ بىرلەسكەن وتىرىسىنداعى ءبىرىنشى وقىلىمدا ماقۇلدانعان ۇسىنىستارعا قولداۋ ءبىلدىردى.
كوميتەتتەردىڭ قورىتىندىلارى پارلامەنت پالاتالارىنىڭ بىرلەسكەن كوميسسياسىنا بەرىلدى. ءبىرلەسكەن كوميسسيانىڭ قۇرامىنا پارلامەنت سەناتىنان سەرىك اقىلباي, بىرعانىم ءايتىموۆا, اسقار بەيسەنباەۆ, قايرات يششانوۆ, دۋلات قۇسداۋلەتوۆ, داريعا نازارباەۆا, ليۋدميلا پولتوراباتكو سايلاندى.
كوميسسيا پارلامەنت پالاتالارىنىڭ 6 ناۋرىزدا بولاتىن بىرلەسكەن وتىرىسىندا ەكىنشى وقىلىمدا قاراۋ ءۇشىن قورىتىندى سالىستىرمالى كەستە ازىرلەيتىن بولادى.