سوڭعى 9 تاۋلىك ىشىندە موسۋل قالاسىنىڭ باتىس بولىگىن 45 مىڭ تۇرعىن تاستاپ كەتتى. بۇل ايماقتان كوشىپ جاتقاندار قاتارى كۇن سانىپ كوبەيىپ كەلەدى. مۇنداي مالىمەتتى حالىقارالىق كوشى-قون ۇيىمى تاراتتى, دەپ حابارلادى 24.kz.
بۇعان دەيىن اقش باسقاراتىن كواليتسيا كومەگىمەن يراك اسكەرى شاھاردىڭ ورتالىق بولىگىن ازات ەتۋگە كىرىسكەن بولاتىن.
ايتا كەتۋ كەرەك, موسۋل قالاسىن «يراك پەن لەۆانت لاڭكەستىك ۇيىمىنىڭ» سودىرلارى 2014 جىلى باسىپ العان. سودان بەرى جۇرت بيلىك اسكەرىنە قاراي قاشىپ جاتىر. ال ۇكىمەت جاساعى قالانى ازات ەتۋ ءۇشىن وتكەن جىلدىڭ قازانىندا كىرىسكەن.
قازىر موسۋل شىعىسى قاسكويلەردەن تولىقتاي ادا بولىپ, قالىپتى ومىرگە كوشە باستادى. دەگەنمەن, باتىسىندا ءالى دە لاڭكەستەر بيلىك قۇرىپ تۇر.