قر ءبىلىم جانە عىلىم مينيسترلىگى بىرقاتار ماماندىقتاردىڭ جىكتەمەدەن الىنىپ تاستالعاندىعى تۋرالى اقپاراتتى تاعى دا جوققا شىعاردى, دەپ حابارلايدى قازاقپارات.
«الەۋمەتتىك جەلىدە قر ءبىلىم جانە عىلىم مينيسترلىگى ەلىمىزدىڭ جوعارى وقۋ ورىندارىنان «قازاق ءتىلى», «قازاق ادەبيەتى», «قازاقستان تاريحي», «لينگۆيستيكا», «شىعىستانۋ» سىندى پاندەردى قر جوعارى جانە جوعارى وقۋ ورنىنان كەيىنگى ماماندىقتار جىكتەلىمىنەن الىپ تاستاعاندىعى تۋرالى اقپارات تارادى. بۇل اقپاراتتىڭ ارانداتۋشىلىق ەكەندىگىن مينيستر ەرلان ساعاديەۆتىڭ بەينە جاۋابىن جاريالاۋ ارقىلى جازدىق تا. بۇل مالىمدەمەگە جاۋاپ رەتىندە ماسەلەگە قاتىستى مينيسترلىكتىڭ ايتقاندارى جالعان ەكەندىگى كورسەتىلگەن جاڭا پىكىرلەر جاريالانا باستادى. وسىعان وراي ءبىز ادىلەت مينيسترلىگىنە ساۋالمەن جۇگىنگەن ەدىك», - دەلىنگەن قر ءبىلىم جانە عىلىم مينيسترلىگىنىڭ الەۋمەتتىك جەلىسىندەگى پاراقشاسىندا.
سونىمەن قاتار, تاراتىلعان اقپاراتتا قر ادىلەت مينيسترلىگى نورماتيۆتىك-قۇقىقتىق اكتىلەردى تىركەۋ دەپارتامەنتىنىڭ ديرەكتورى حاميت بەكىشەۆتىڭ دە سوزدەرى كەلتىرىلگەن.
«قازىرگى ۋاقىتتا 2009 جىلدىڭ 20 ناۋرىزىندا قر يندۋستريا جانە ساۋدا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ №131-ود بۇيرىعىمەن بەكىتىلگەن قازاقستان رەسپۋبليكاسىنداعى جوعارى جانە جوعارى وقۋ ورنىنان كەيىنگى ماماندىقتاردىڭ جىكتەلىمى قولدانىستا. مەملەكەتتىك ورگاندار تاراپىنان قولدانىستاعى جىكتەلىمگە وزگەرتۋلەر مەن تولىقتىرۋلار ەنگىزۋ تۋرالى ۇسىنىس كەلىپ تۇسكەن جوق», - دەدى ول.
ەلىمىزدىڭ جوعارى وقۋ ورىندارىنىڭ اتالعان ماماندىق بويىنشا جۇمىس ىستەيتىن كافەدرالاردىڭ وقىتۋشىلارى دا بۇل ماسەلەگە قاتىستى پىكىر بىلدىرۋدە.
س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى قازاق فيلولوگياسى كافەدراسىنىڭ مەڭگەرۋشىسى, فيلولوگيا عىلىمدارىنىڭ دوكتورى, پروفەسسور نارتاي ءجۇسىپوۆ ءوز سوزىندە قازاق فيلولوگياسى كافدەراسى ۋنيۆەرسيتەتىنىڭ نەگىزى قالانعان ساتتەن باستاپ جۇمىس ىستەيتىندىگىن باسا ايتقان.
«ءبىز «قازاق ءتىلى مەن ادەبيەتى», «قازاق ءتىلى فيلولوگياسى» ماماندىقتارى بويىنشا باكالاۆرلار مەن ماگيسترانتتاردى دايىندايمىز. الداعى ۋاقىتتا ءدال وسى ماماندىقتار بويىنشا دوكتورانتتاردى دايىنداۋدى جوسپارلاۋدامىز», - دەدى ول.
ءال-فارابي اتىنداعى قازاق ۇلتتىق ۋنيۆەرسيتەتى فيلولوگيا, ادەبيەتتانۋ جانە الەم تىلدەرى فاكۋلتەتىنىڭ دەكانى, فيلولوگيا عىلىمىنىڭ دوكتورى, پروفەسسور ءومىرحان ءابدىمان ۇلى دا ماماندىق جىكتەلىمىنە قاتىستى اقپاراتتىڭ جالعان ەكەندىگىن اتاپ وتكەن.
«الەۋمەتتىك جەلىلەر مەن بىرقاتار باسىلىمدا مينيسترلىك ماماندىقتار جىكتەلىمىنەن «قازاق ءتىلى», «قازاق ادەبيەتى», «قازاقستان تاريحي», «لينگۆيستيكا» ماماندىقتارىن الىپ تاستاپ, ونى جالپى لينگۆيستيكالىق جانە گۋمانيتارلىق ماماندىقتارمەن الماستىردى دەگەن اقپارات تارادى. مۇنداي اقپاراتتىڭ قايدان شىققانىن بىلمەيمىن. ءبىزدىڭ فاكۋلتەت 2009 جىلعى ماماندىقتار جىكتەلىمىمەن جۇمىس ىستەۋدە جانە ەشقانداي وزگەرىس بولعان جوق», - دەدى ول.
ايتا كەتەيىك, بۇعان دەيىن قر ءبىلىم جانە عىلىم ءمينيسترى ەرلان ساعاديەۆ الەۋمەتتىك جەلىلەردە تاراپ كەتكەن جوو-لارداعى بىرقاتار ماماندىقتاردىڭ جابىلعانى تۋرالى اقپاراتقا بايلانىستى ۆيدەوۇندەۋ جاريالاعان بولاتىن.
وندا ەرلان ساعاديەۆ, سوڭعى كەزدە ينتەرنەت جەلىسىندە قر بعم-ءنىڭ ماماندىقتار كلاسسيفيكاتورىنداعى «قازاق ءتىلى», «قازاق əدەبيەتى», «قازاقستان تاريحى», «لينگۆيستيكا», «شىعىستانۋ» سىندى ماماندىقتاردى جوعارى وقۋ ورىندارىنان الىپ تاستاعانى تۋرالى, جوعارى وقۋ ورىندارىندا وسى پəندەردىڭ جۇرگىزىلۋى توقتاتىلعاندىعى جايلى اقپارات كەزدەسىپ وتىرعاندىعىن اتاپ وتكەن.
«قۇرمەتتى پەداگوگتار, اتا-انالار, وقۋشىلار, ءبىز سىزدەردى تەك سەنىمدى دەرەككوزدەرىنەن تاراتىلاتىن اقپاراتقا جۇگىنۋگە شاقىرامىز. مۇنداي مəلىمەتتەردى قر بعم-ءنىڭ جەلىدەگى رەسمي اككاۋنتىنا جازىلىپ الۋعا بولاتىندىعىن جەتكىزگىمىز كەلەدى», - دەيدى ساعاديەۆ.