قازاقستاندىق بوكسشى باقتيار ەيۋبوۆتىڭ كەلەسى قارسىلاسى بەلگىلى بولدى, دەپ حابارلايدى قازاقپارات.
جەرلەسىمىز 10 ناۋرىزدا دەترويدتا (ميچيگان, اقش) وتكىزەتىن جەكپە-جەگىندە 39 جاستاعى امەريكالىق گيلبەرت ۆەنەگاسپەن (15-26-5, 8 كو) قولعاپ تۇيىستىرەدى. بوكس كەشى MGM Grand Detroit ارەناسىندا وتەدى. جارتىلاي ورتا سالماقتا وتەتىن كەزدەسۋ 6 راۋندتان تۇرادى. بۇل كەشتى امەريكالىق Showtime تەلەارناسى تىكەلەي ەفير ارقىلى كورسەتۋدى جوسپارلاپ وتىر.
ايتا كەتەيىك, ەيۋبوۆ كاسىپقوي بوكستا 11 كەزدەسۋ وتكىزىپ, بارلىعىندا دا جەڭىسكە جەتكەن, ونىڭ ىشىندە ون كەزدەسۋدى ۋاقىتىنان بۇرىن اياقتاعان.