نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى, دەپ حابارلادى akorda.kz.
اڭگىمە بارىسىندا نۇرسۇلتان نازارباەۆ پەن ۆلاديمير پۋتين الماتىداعى سوڭعى كەزدەسۋلەرىندە قاراستىرىلعان ماسەلەلەر تۇرعىسىنان ەكىجاقتى ىنتىماقتاستىقتىڭ مەيلىنشە وزەكتى جايتتارىن تالقىلادى.
مەملەكەتتەر باسشىلارى ۆلاديمير ءپۋتيننىڭ تاياۋدا تاجىكستان مەن قىرعىزستانعا بارعان ساپارىنا بايلانىستى كۇن تارتىبىندەگى وڭىرلىك ماسەلەلەر جونىندە پىكىر الماستى.
رەسەي پرەزيدەنتى جاڭا عانا اياقتالعان جەنەۆا كەلىسسوزدەرى اياسىندا سيريالىق وپپوزيتسيانىڭ اسكەري قۇرىلىمدارىنىڭ سيرياداعى داعدارىستى رەتتەۋ ماسەلەلەرىنە ارنالعان كەزەكتى كەزدەسۋىن بيىلعى ناۋرىز ايىنىڭ ورتاسىندا استانادا وتكىزۋگە نيەتتى ەكەنىن ايتتى.
قازاقستان پرەزيدەنتى مۇنداي كەلىسسوزدەردى ۇيىمداستىرۋعا دايىن ەكەنىمىزدى مالىمدەدى.
تەلەفون ارقىلى سويلەسۋگە رەسەي جاعى باستاماشى بولدى.