الماتى قالاسىندا اۆتوبۋس جانىپ كەتتى, دەپ حابارلادى قالانىڭ توتەنشە جاعدايلار قىزمەتى.
وقىس وقيعا رىسقۇلوۆ داڭعىلى مەن روزوۆايا كوشەسىنىڭ قيىلىسىندا بولدى. ءورت تۋرالى حابارلاما ساعات 06:52-دە كەلىپ تۇسكەن.
«ءورت سوندىرۋشىلەر وقيعا ورنىنا ساعات 06:59-دا كەلدى. ولار كەلگەندە «Daewoo BS-90» ماركالى اۆتوبۋس لاۋلاپ جانىپ جاتتى», - دەپ حابارلادى الماتى قالاسىنىڭ توتەنشە جاعدايلار دەپارتامەنتىنىڭ رەسمي وكىلى ساندۋعاش بايمۇحامبەتوۆا. قىزىل جالىن ساعات 07:11-دە ءسوندىرىلدى. قازا تاپقاندار مەن زارداپ شەككەندەر جوق.