باتىرحان سارسەنحان, اقىن: «ءومىر – جاقسىلىق جاساۋدان باسقا ەشتەڭە ەمەس»

ستۋدەنت كەزىندە-اق اس­تانادا وتكەن ءحVىى حالىق­ارالىق «شابىت-2014» شى­­عارماشىل جاس­تار فەس­تي­ۆالىنىڭ «ۇزدىك ادە­بي شى­عارما» اتالىمى (پوە­زيا) بويىنشا باس جۇلدەسىن العان باتىرحان سارسەنحان – بولاشاعىنان ۇلكەن ءۇمىت كۇتتىرەتىن اقىن. ءبىزدىڭ باتىرحانمەن بولعان بۇگىنگى اڭگىمەمىز جاس تالانتتىڭ ولەڭگە, ومىرگە دەگەن كوزقا­راستارى توڭىرەگىندە ءوربىدى. – باتىرحان, ونەر وسكەن ور­تاعا, توپىراققا بايلانىس­تى دەيدى. وزىڭە اقىندىق ونەر كىم­نەن دارىدى؟ – اتا-بابامنىڭ بويىندا اقىندىق قاسيەتتىڭ بارى راس. بىراق كەز كەلگەن قازاقتىڭ اتاسىندا اقىندىق بولۋى مۇمكىن. مەنىڭ تۇسىنىگىمدە, ۇلكەن ەڭبەك شىعارماشىلىقتى ۇشتايدى. «ەڭبەك ەتكەنگە باقىت باسىن يەدى». بىزدىكى, ارينە, وي ەڭبەگى. ول ەڭ ازاپتى جول ەكەنىن ازداپ سەزىنگەن سەكىلدىمىن. – سەنىڭ «بەيبىتشىلىك الەمى», «شىرايلى شۇبايقىزىلىم», «تۋى بيىك, تۇعىرى مىعىم – ءتاۋ­ەل­­سىزدىك» سەكىلدى حالىق­ارا­لىق, رەس­پۋب­ليكالىق, وبلىس­تىق بىرنەشە باي­قاۋلاردا توپ جارىپ شىق­قا­نىڭدى جۇرت جاقسى بىلەدى. جال­پى, جەڭىمپاز اتانۋ, اتاق-ابىروي اسىرە­سە, جاس اقىنعا قانشا­لىقتى قاجەت؟ – كوپتىڭ ىقىلاسى, مەملەكەتتىڭ باعالاپ سىي بەرگەنى جاقسى عوي. ونىڭ نەسى جامان؟ اقىن­دى ءولتىرۋدىڭ باستى جولى – ەلەمەۋ, ەسكەرمەۋ. اركىم ەڭبەگىنە قاراي باعاسىن السىن. تالانتتى ۇشتاماسا, بۇل ىقىلاس ولتىرمەيدى. – بۇگىنگى قازاق پوەزياسىنا كوڭىلىڭ تولا ما؟ – بۇگىنگى ءبىزدىڭ باستى جاۋىمىز ينتەرنەت ەمەس, الەۋمەتتىك جەلىلەر. جەلىلەردىڭ ىشىندە دە تۇككە قاجەتى جوق, ۋاقىت جۇتۋعا شەبەر­لەرى شاش ەتەكتەن. ارينە, كەيبىر جەلىلەردىڭ پوەزيامىزدى وقىرمانعا جەتكىزۋدە ماڭىزى زور, الايدا ءبىز ونى شەكتەن تىس قولدانۋ ارقىلى «كىتاپ مىرزانى» قاتتى رەنجىتۋدەمىز. – اقىندى قوعامنىڭ بارو­مەترى دەپ جاتامىز. بۇگىنگى قازاق قوعا­مىن­دا سەنى قاتتى الاڭ­داتا­تىن جايت نە؟ – ءدال قازىر ۇلت تاعدىرى الاڭ­­داتادى. مەنىڭشە, ۇلتتىڭ دارۋمەنى – ار-يمانى. ارانداتۋدى ويلاعاندار ءدال وسى تامىردىڭ ۇستىنەن باسىپ, ءتۇرلى اعىمدار ارقىلى جۇرتتىڭ ميىن اشىتۋدا. وتكەندە ءبىر جاس جىگىت سۇراق قويدى. «ۇلتقا قالاي قىزمەت ەتسەم بولادى؟» دەيدى. مەن ءۇيىنىڭ ەسىك الدىنا گۇل نەمەسە تال وتىرعىزۋىن ءوتىندىم. ءبىز ارقايسىمىز ءوز باسىمىزدىڭ ديرەكتورىمىز. قول مىرزانى, ەرىن حانىمدى, اياق مىرزانى دۇرىس ىسكە جۇمىلدىرا بىلسەك, قوعام وزىنەن ءوزى تۇزەلەر ەدى. – كىمدى ءسۇيىپ وقيسىڭ؟ – ءومىردى. – الداعى جوسپارلارىڭمەن بولىسسەڭ... – جوسپار كوپ. ادامدارعا جاق­سىلىق جاساۋعا قۇشتارمىن. تولستوي سەكىلدى ۇزىن اسحانا اشىپ, مۇقتاجداردى تويىندىرسام, با­­قىتتىڭ كەكىلىن تابار ەدىم. «ءومىر – ادامدارعا جاقسىلىق جاساۋدان باسقا ەشتەڭە ەمەس». بەس جىل ىشىندە ءوز مەكتەبىمدەگى ۇزدىك وقۋشىلارعا شاكىرتاقى تاعايىن­داسام, ون جىل ىشىندە مۇقتاجدارعا كومەك قولىن سوزاتىن قورلار اشسام دەيمىن. الداعى جىلعا جاڭا جيناقتىڭ سۇلباسى سانامدا ءجۇر. اڭگىمەلەسكەن اينۇر اسانقىزى