ماجىلىسكە يۋنيسەف-ءتىڭ ورتالىق جانە شىعىس ەۋروپا مەن تمد ەلدەرى بويىنشا وڭىرلىك ديرەكتورى افشان حان كەلدى, دەپ حابارلادى پالاتانىڭ ءباسپاسوز قىزمەتى.
دەپۋتاتتارمەن جۇزدەسۋ بارىسىندا بالالار قۇقىعىن قورعاۋ, سونىمەن بىرگە اتا-انا قامقورلىعىنسىز قالعان بالالار مەن بالالارعا ارنالعان زاڭنامالار جايىندا اڭگىمە قوزعالدى.
جۇزدەسۋگە قاتىسۋشىلار وزەكتى تاقىرىپتى تالقىلاي كەلە, اتالعان سالاداعى زاڭنامالاردى جەتىلدىرۋ جانە ەكىجاقتى ۇندەسە ءتۇسۋ قاجەتتىلىگىن اتاپ ءوتتى.
كەزدەسۋگە قازاقستاندىق پارلامەنتشىلەر بەيبىت مامراەۆ, سۆەتلانا بىچكوۆا, سنەجاننا يماشەۆا, ايگۇل نۇركينا, ءجاميلا نۇرمانبەتوۆا, جانات وماربەكوۆا قاتىستى.
ماجىلىسكە مەيمانمەن بىرگە يۋنيسەف-تىڭ قازاقستانداعى وكىلدىگىنىڭ باسشىسى يۋري وكساميتنىي, اتالعان وكىلدىك باسشىسىنىڭ ورىنباسارى فياكرا ماكاسي, يۋنيسەف-ءتىڭ ءبىلىم بەرۋ جانە بالالار قۇقىعىن قورعاۋ باعدارلامالارىنىڭ ءۇيلەستىرۋشىسى تاتيانا ادەريحينا كەلدى.