قازاقستان رەسپۋبليكاسىنداعى ادام قۇقىقتارى جونىندەگى ۋاكىل ا.شاكىروۆ قولدانىستاعى زاڭناماعا سايكەس پرەزيدەنتكە 2016 جىلعى قىزمەتى تۋرالى ەسەپتى ۇسىندى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.
اتالعان قۇجات قارالعان ازاماتتاردىڭ شاعىمدارى مەن وتىنىشتەرىن, مونيتورينگتىك قىزمەت ناتيجەلەرىن, سونداي-اق, مەملەكەتتىك ورگاندارمەن, حالىقارالىق جانە ۇكىمەتتىك ەمەس قۇقىق قورعاۋ ۇيىمدارىمەن ءوزارا ءىس-قيمىلىن تالداۋ نەگىزىندە جاسالعان, قازاقستانداعى ادام قۇقىقتارى مەن بوستاندىقتارىن ىسكە اسىرۋ جاعدايىنا شولۋ بولىپ تابىلادى.
بۇل قۇجات ۇلتتىق قۇقىق قورعاۋ مەكەمەسى قىزمەتىنىڭ ناتيجەلەرى مەن ادام قۇقىقتارىن قامتاماسىز ەتۋ سالاسىنداعى وزەكتى ماسەلەلەردى, سونداي-اق, ولاردى قورعاۋ تەتىكتەرىن جەتىلدىرۋ بويىنشا ۇسىنىستاردى قامتيدى.
مەملەكەت باسشىسىنىڭ قاراۋ قورىتىندىسى بويىنشا قاجەتتى ءىس-شارالاردى ىسكە اسىرۋدى قامتاماسىز ەتۋ جونىندە ءتيىستى تاپسىرمالار بەرىلدى.