الەمدىك ساياساتتاعى ايرىقشا وقيعا

2017 جىلدىڭ 3 ناۋ­رىزى تەك قازاق­ستان­نىڭ دەموكراتيالىق دامۋى­ن­داعى اسا ماڭىزدى بە­لەس قانا ەمەس. ءبىز شىن مانىندە الەمدىك ساياساتتاعى اي­رىق­شا وقيعاعا, تاريحي وقيعاعا كۋا بولىپ وتىرمىز. بۇرىنعى زامان­نان دا, بۇگىنگى زاماننان دا ابىرويدىڭ اس­قارىندا تۇرعان ەل باسشىسىنىڭ وكى­لەتتىكتەرىنىڭ ۇلكەن ءبىر بولىگىن ءوزى­نىڭ باستاما­شىل­دىعىمەن مەملەكەت­تىك بيلىكتىڭ باسقا تارماق­تارىنا ءوز قولىمەن ۇلەستىرىپ بەرۋىنىڭ باسقا مىسالىن تابا المايمىز. جاڭا مەملەكەت قا­لىپتاستىرۋ­دىڭ العاش­قى بەلەستەرىنەن باس­تاپ ەلباسىمىز زاڭنىڭ ۇستەمدىگىن ەل ءومىرىنىڭ باستى قاعيداتتارىنىڭ ءبىرى رەتىندە ورنىقتىرعان ەدى. قازىرگى كونستيتۋتسيالىق جاڭعىرۋدى دا پرەزيدەنت زاڭدىلىقتى تولىق ساق­تاي وتىرىپ, كونستيتۋتسيا­لىق نەگىزدە جۇزەگە اسىردى. الدىمەن تۇتاس ءبىر اي بويى كونستيتۋتسياعا ويلاستىرىلعان وزگەرىس­تەر مەن تۇزەتۋلەر بۇكىل حالىقتىڭ تالقىلاۋىنا سالىندى, بارلىق پىكىرلەر ەسكەرىلىپ, ەكشەلدى. ءسويتىپ, بارىپ نەگىزگى زاڭعا ەنگىزىلەتىن وزگەرىستەر جوعارى زاڭ شىعارۋشى ورگاننىڭ قولىمەن اتقارىلاتىن بولدى. پرەزيدەنت نۇرسۇلتان نازارباەۆ پارلامەنت پالاتالارىنىڭ ءبىر­لەسكەن وتىرىسىندا سويلەگەن سوزىندە قازاقتىڭ «كەڭەسىپ پىشكەن تون كەلتە بولماس» دەگەن ماقالىن كەل­تىردى. راسىندا دا, ءبىر ايلىق بۇكىل­حالىقتىق تالقىلاۋ بارىسىندا وتكەن ون مىڭعا جۋىق ءىس-شاراعا ەكى ميلليوننان استام ادام قاتىسقانى, اتا زاڭىمىزداعى وزگەرىستەرگە بايلانىستى ءوز پىكىرلەرىن ورتاعا سال­عانى كوپ جايدى اڭعارتادى. ەلباسى­مىز قوعامدىق رەزونانس تۋعىزعان كەي­بىر باپتار جونىندە حالىقتىڭ جۇمىل­عان تۇعىرناماسىن قالىپتاستىرۋ ارقىلى قانداي ءتۇيىندى دە تارقاتا الاتىن دانالىعىن تاعى تاماشا تانىتىپ وتىر. مۇنداي ماڭىزدى قادامنىڭ ەلىمىز ءۇشىن تاعدىرشەشتى ماڭىزى بار. بۇل ءبىزدىڭ ەلدىگىمىزدىڭ ەسەيۋى­نىڭ كەلىستى كورىنىسى. جيىرما بەس جىل­دىڭ ىشىندە قالىپتاسقان قوعام­­دىق قاتىناستار مەملەكەتتىك بيلىك­تىڭ جوعارى ورگاندارىنىڭ بەدەلى بيىكتەگەنىن, ولاردىڭ كەمەلىنە كەلە باستاعانىن كورسەتەدى. جاڭا جاعداي ناق كونستيتۋتسيالىق رەفورمانىڭ قاجەتتىگىنە, وزگەرىستەردىڭ ءپىسىپ-جەتىلگەنىنە كوز جەتكىزدى. وسى ارقىلى پرەزيدەنت نۇرسۇلتان نازارباەۆ ءوز حالقىنىڭ دانالىعىنا سەنەتىنىن دالەلدەپ وتىر. ەندى ءبىز سول سەنىمگە ساي بولۋدى قامداۋىمىز كەرەك. ساۋىتبەك ابدراحمانوۆ, پارلامەنت ءماجىلىسىنىڭ دەپۋتاتى