كونستيتۋتسيانىڭ 87-بابى بويىنشا وبلىستاردىڭ, رەسپۋبليكانىڭ ماڭىزى بار قالالاردىڭ جانە استانا اكىمىن, باسقا بارلىق دەڭگەيدەگى اكىمدەردى قىزمەتكە تاعايىنداۋ ەلباسىنىڭ وكىلەتتىگىندە قالماق. بۇل تۋرالى پارلامەنت پالاتالارىنىڭ بىرلەسكەن وتىرىسىندا دەپۋتاتتار سۇراعىنا جاۋاپ بەرگەن كونستيتۋتسيالىق رەفورمالار جونىندەگى جۇمىس توبىنىڭ جەتەكشىسى, قازاقستان پرەزيدەنتى اكىمشىلىگىنىڭ جەتەكشىسى ادىلبەك جاقسىبەكوۆ مالىمدەدى.
«بۇل وكىلەتتىلىك پرەزيدەنتتىڭ قۇزىرەتىندە قالادى. 87-باپتىڭ 4-تارماعىندا كورسەتىلگەندەي قر پرەزيدەنتى ءوزىنىڭ ۇيعارۋى بويىنشا اكىمدەردى قىزمەتتەرىنەن بوساتۋعا قۇقىلى», – دەدى ادىلبەك جاقسىبەكوۆ.