بۇگىن جاپونيانىڭ ساپپورو قالاسىندا ءوتىپ جاتقان ءVىىى قىسقى ازيا ويىندارىنىڭ سوڭعى كۇنى بياتلونشىلارىمىز ءبىر التىن, ءبىر كۇمىس, ءبىر قولا مەدال جەڭىپ الدى, دەپ حابارلايدى قازاقپارات.
بياتلونشى قىزدارىمىز 12,5 شاقىرىمدىق ماسس-ستارت جارىسىندا باستى ءۇش جۇلدەگە يە بولدى. التىندى گالينا ۆيشنەۆسكايا جەڭىپ السا, كۇمىس پەن قولا قازاقستاندىق الينا رايكوۆا مەن داريا ۋسانوۆاعا قانجىعالارىنا بايلادى.
ايتا كەتۋ كەرەك, بۇل - ۆيشنەۆسكايانىڭ وسى ازياداداعى ءتورتىنشى «التىنى». وسىعان دەيىن ول سپرينتتە, ءىز قۋالاۋ مەن ارالاس ەستافەتادا ءبىرىنشى ورىن العان بولاتىن.
جەڭىمپاز جۇلدەگەرلەرىمىزدىڭ كورسەتكىشتەرى:
1. گالينا ۆيشنەۆسكايا (قازاقستان) - 39:26.6 (0+1+0+0)
2. الينا رايكوۆا (قازاقستان) - +44.4 (0+0+1+0)
3. داريا ۋسانوۆا (قازاقستان) - +1:33.1 (0+1+1+3)
9. اننا كيستانوۆا (قازاقستان) - +4:26.0 (2+1+3+0).