يۋليا گالىشەۆا: وليمپيادادا جەڭىسكە جەتەمىن دەپ ۇمىتتەنەمىن

قازاقستاندىق سپورتشى يۋليا گالىشەۆا پاراللەلدى موگۋل جارىسىنان كەيىنگى قارسىلاستارىنىڭ دەڭگەيى جانە 2018 جىلعا ارنالعان جوسپارلى جايلى ءبولىستى. «قارسىلاستارىمنىڭ ءبارى الەم كۋبوگىنا قاتىسادى. دەڭگەيلەرى جوعارى بولعاندىقتان, جارىس تا وڭاي بولمادى. بىراق دايىندىعىمنىڭ ارقاسىندا العا قويعان ماقساتىما جەتتىم», – دەدى گالىشەۆا. «اۋا رايى وتە قولايلى بولدى. كەشە قار جاۋعاندىقتان بۇگىن بىزگە ىڭعايلى بولدى. ال جانكۇيەرلەردىڭ قولداۋىن سوزبەن ايتىپ جەتكىزە المايمىن. بويىڭا جىگەر بەرىپ, جەڭىسكە قاراي جەتەلەي تۇسەدى», – دەدى قىسقى ازيا ويىندارىنىڭ التىن جۇلدەگەرى. «قارسىلاسىم ميكي يتو الماتىعا كەلىپ, ەكىنشى ورىن الىپ كەتكەن. ۇلكەن جارىستارعا قاتىسىپ جۇرگەندىكتەن, وڭاي بولمادى. سونداي-اق, جاتتىقتىرۋشىمدى اۋىستىردىم. ەندى وليمپيادادا بيىكتەن كورىنەمىن دەپ ۇمىتتەنەمىن», – دەدى ول. ايتا كەتەيىك, بۇگىن فريستايلشى يۋليا گالىشەۆا پاراللەلدى موگۋلدان جاپونيادا ءوتىپ جاتقان قىسقى ازيا ويىندارىندا التىن جۇلدەگە قول جەتكىزدى.