وسى اپتادا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن بۇكىلحالىقتىق تالقىلاۋ مەرزىمى اياقتالادى, دەپ جازادى اقوردانىڭ رەسمي سايتى.
مەملەكەت باسشىسى باستاماشىلىق جاساعان كونستيتۋتسيالىق رەفورماعا قوعامداعى قىزىعۋشىلىقتىڭ دەڭگەيى جوعارى بولعانى وتىرىس بارىسىندا اتالىپ ءوتتى. جۇمىس توبىنىڭ اتىنا پارلامەنتتىڭ ءرولىن, ۇكىمەتتىڭ جانە جەرگىلىكتى بيلىك ورگاندارىنىڭ جاۋاپكەرشىلىگىن كۇشەيتۋ, قۇقىق قورعاۋ قىزمەتىن جانە سوت جۇيەسىن جەتىلدىرۋ جونىندە, سونداي-اق مەنشىك قۇقىعى ماسەلەلەرى بويىنشا ءۇش مىڭداي ءوتىنىش كەلىپ ءتۇستى. بۇل ۇسىنىستار مەملەكەت باسشىسىنىڭ كونستيتۋتسيالىق وكىلەتتىكتەرىنە دە, ەل زاڭدارى ارقىلى بەلگىلەنگەن وكىلەتتىكتەرگە دە قاتىستى.
جۇمىس توبىنىڭ مۇشەلەرى كەلىپ تۇسكەن بارلىق ۇسىنىستاردى جيناقتاپ, قورىتىپ, مۇقيات قاراستىرۋ ۇستىندە. بۇل جۇمىسقا وتاندىق جانە شەتەلدىك ساراپشىلار, ءتيىستى مەملەكەتتىك ورگاندار قاتىسۋدا.
«قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى بۇكىلحالىقتىق تالقىلاۋ قورىتىندىلارى بويىنشا جەتىلدىرىلىپ, مەملەكەت باسشىسىنا ۇسىنىلاتىن بولادى.