قر اقپارات جانە كوممۋنيكاتسيالار مينيسترلىگى ۇكىمەتكە «تسيفرلىق قازاقستان» باعدارلاماسىنىڭ جوباسىن مامىر ايىندا ەنگىزەدى. بۇل تۋرالى ۇكىمەت ۇيىندە وتكەن ءباسپاسوز ءماسليحاتىندا اتالعان ۆەدومستۆو باسشىسى داۋرەن اباەۆ مالىمدەدى.
"ەلباسى ۇكىمەتكە «تسيفرلىق قازاقستان» باعدارلاماسىن قابىلداۋدى تاپسىرعانىن بىلەسىزدەر. وسى ارقىلى تسيفرلىق يندۋستريانى, ءىت سالانى دامىتۋ ماسەلەلەرى جولعا قويىلۋى كەرەك. اقپارات جانە كوممۋنيكاتسيالار مينيسترلىگى بۇگىنگى كۇنى بۇل باعىتتا ۇلكەن جۇمىستار اتقارۋدا. اتاپ ايتقاندا, مەملەكەتتىك باعدارلامانىڭ جوباسىن ۇكىمەتكە وسى جىلدىڭ مامىر ايىندا ەنگىزۋدى جوسپارلاپ وتىرمىز",-دەدى د. اباەۆ.
بۇدان بولەك, مينيستر ۆەدومستۆو 1 300-گە جۋىق اۋىلدى وپتيكالىق-تالشىقتى جەلىمەن قامتاماسىز ەتۋ جوباسىن جۇزەگە اسىرۋعا كىرىسكەنىن جەتكىزدى. وسى ورايدا 2 ميلليوننان استام ادام كەڭ جولاقتى ينتەرنەتكە قول جەتكىزەتىن بولادى. اتالعان جوبا مەملەكەتتىك-جەكەمەنشىك سەرىكتەستىك اياسىندا قامتىلادى.