سپورتشى, دارىگەر مەن مادەنيەت سالاسى قىزمەتكەرلەرىنە جاتاقحانا سالىنادى

استانادا مەملەكەتتىك-جەكە مەنشىك سەرىكتەستىك نەگىزىندە ءتورت وتباسىلىق جاتاقxانانى سالۋ جوسپارلانىپ وتىر, دەپ حابارلايدى قازاقپارات. «ءيا, قازىرگى كەزدە ونداي جوسپار بار. ءتورت جاتاقxانانىڭ جوباسى ازىرلەنىپ جاتىر. ءبىر جاتاقxانا سپورتشىلارعا, ەكىنشىسى - مادەنيەت سالاسىنىڭ قىزمەتكەرلەرىنە, ءۇشىنشىسى - اتا-اناسىز قالعان بالالارعا, ال ءتورتىنشىسى مەديتسينا ماماندارىنا سالىنادى دەگەن جوسپار بار. وعان بيۋدجەت سالاسىنىڭ باسقا دا قىزمەتكەرلەرىنىڭ وتباسىلارىن كىرگىزۋ ماسەلەسىن قاراستىرىپ جاتىرمىز. جاتاقxانالاردا بولاتىن ورىنداردىڭ جالپى سانىن ازىرشە ايتا الايمىز. سەبەبى بۇنىڭ ءبارى ءالى جوبا كۇيىندە بولىپ تۇر», - دەدى «Astana Innovation» اق مەملەكەتتىك-جەكە مەنشىك سەرىكتەستىك جونىندەگى باسقارۋشى ديرەكتور جانار مۇساتاەۆا. ونىڭ ايتۋىنشا, اتالعان قۇرىلىس نىساندارى مەملەكەتتىك- جەكەمەنشىك سەرىكتەستىگى نەگىزىندە سالىناتىندىقتان, بيزنەس ءۇشىن نەگىزگى تابىس كوزدەرىن بەلگىلەپ العان ءجون. سوندىقتان بۇگىندە وتباسىلىق جاتاقxانالاردى بارىنشا كوممەرتسياليزاتسيالاۋ, ياعني ودان تۇسەتىن پايدا كوزدەرىن ارتتىرۋ ماسەلەسى پىسىقتالىپ جاتىر.