د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ عالىمدارى ينۆەستيتسيا جانە دامۋ ءمينيسترى جەڭىس قاسىمبەككە وبلىستىڭ ءىرى ونەركاسىپتىك كومپانيالارىمەن بىرلەسىپ, ىسكە اسىرىلاتىن عىلىمي ازىرلەمە ۇسىندى, دەپ حابارلادى قازاقپارات.
ءمينيستردىڭ شقو-عا جۇمىس ساپارى اياسىندا ۋنيۆەرسيتەتتە عىلىمي جانە ونەركاسىپتىك كاسىپورىنداردىڭ عىلىمي-زەرتتەۋ جانە تاجىريبەلىك-كونسترۋكتورلىق ازىرلەمەلەرى بويىنشا ءماجىلىس ءوتتى. جوو ماماندارى يننوۆاتسيالىق تەحنولوگيانى تانىستىردى. ول تاۋ-كەن بايىتۋ وندىرىسىندە, مەتاللۋرگيا, مۇناي-گاز سالاسى, مەديتسينادا قولدانىلادى.
اتاپ ايتقاندا, اعزاعا ساپالى, سەنىمدى دياگنوستيكا جۇرگىزەتىن ماگنيتتى رەزونانستى توموگراف ءۇشىن «وتكىزگىش سىم» شىعارۋعا بولادى. تانتال مەن نيوبيا قورىتپالارىنان جوعارى تەحنولوگيالىق, بەرىك, باستىسى ارزان وتاندىق يمپلانتتار جاسالادى.
دەنساۋلىق مينيسترلىگىنىڭ دەرەكتەرىنە سايكەس, قازاقستاننىڭ يمپورتتىق ونىمدەرىن پايدالانا وتىرىپ, جىلىنا بۋىنداردى اۋىستىرۋعا 4 ملرد. تەڭگە جۇمسالادى. تانتال مەن تيتان ارماتۋراسىنان جاسالعان ءتىس پروتەزدەرى, بۋىندار مەن ومىرتقاارالىق ديسكىلەر ەكى ەسە ارزان بولادى.