جاپونيانىڭ ساپپورو قالاسىندا ءوتىپ جاتقان VIII قىسقى ازيا ويىندارىنىڭ وسىمەن بەسىنشى كۇنى اياقتالدى.
بەس كۇننىڭ قورىتىندىسى بويىنشا 45 جۇلدەسى (14 التىن, 15 كۇمىس, 16 قولا) بار جاپونيا ءبىرىنشى ورىنعا شىقسا, وڭتۇستىك كورەيا 35 جۇلدەسىمەن (14 التىن, 12 كۇمىس, 9 قولا) ەكىنشى ورىنعا قايتا سىرعىدى. ۇشتىككە قىتاي سپورتشىلارى ەندى. ولار بەس كۇندە 6 التىن, 6 كۇمىس جانە 6 قولا جەڭىپ الدى.
ال قازاقستان قۇراماسى 12 مەدالمەن (3 التىن, 4 كۇمىس, 5 قولا) كوماندالىق ەسەپتە ءتورتىنشى ورنىن ساقتاپ قالدى.
بۇگىن قازاقستان قۇراماسىنىڭ قورجىنىنا بەس جۇلدە ءتۇستى. بياتلونشىلارىمىز گالينا ۆيشنەۆسكايا مەن يان ساۆيتسكي التىن السا, ۆاسيلي پودكورىتوۆ پەن ەلەنا كولومينا كۇمىسكە, ال الينا رايكوۆا قولا جۇلدەگە يە بولدى.