قازاقستاندىق كاسىپقوي بوكسشى قىز فيرۋزا ءشارىپوۆا كىشى فلويد مەيۋەزەردىڭ بوكس اكادەمياسىندا جەكپە-جەك الدىنداعى اشىق جاتتىعۋىن وتكىزدى.
قازاقستاندىق بوكسشىنىڭ كەزەكتى قارسىلاسى 22 جاستاعى رەسەيلىك يۋليا چەرنوبورودوۆا بولاتىنى كەشە عانا بەلگىلى بولدى. ال ۇرىس 4 ناۋرىز كۇنى ماسكەۋدە وتەدى.
فيرۋزا رەسەي استاناسىنداعى «بوكس اكادەمياسىندا» سەرگەي كۋبىشەۆتىڭ قول استىندا سوڭعى بىرنەشە اپتا بويى دايىندالدى.
ايتا كەتەيىك, قازاقستاندىق بوكسشىنىڭ الداعى كەزدەسۋى تيتۋلدىق جەكپە-جەك بولۋى ءتيىس ەدى. بىراق مەنەدجەرى سەرگەي زاۆيلەيسكي ەكەۋى رەيتينگتىك ايقاس وتكىزۋدى ءجون كورىپتى. دەگەنمەن دە ول استاناداعى ەكسپو كورمەسىندە ۇيىمداستىرىلاتىن بوكس كەشىندە الەم چەمپيوندىعى اتاعى ءۇشىن سىنعا ءتۇسۋى مۇمكىن.