قارجى ءمينيسترى باقىت سۇلتانوۆ ۆەدومستۆونىڭ كەڭەيتىلگەن وتىرىسىندا 2017 جىلعا ارنالعان باسىم شارالارمەن ءبولىستى.
"بيىلعى جىلى ەلباسىنىڭ جولداۋىنا قاتىستى مىندەتتەردى ناقتى انىقتايتىن بولامىز, سونداي-اق, ۇكىمەتتىڭ 2017 جىلدىڭ 3 اقپانىندا ۇكىمەت وتىرىسىنداعى تالاپتار قولعا الىنادى. بىرىنشىدەن, 2018-2020 جىلدارعا ارنالعان بيۋدجەتتى دايىنداۋدا باقىلاۋ كۇشەيتىلەدى", - دەدى مينيستر. بۇل تۋرالى strategy2050.kz حابارلايدى.
ەكىنشىدەن, ۆەدومستۆو باسشىسى ايتىپ وتكەندەي, بيۋدجەت پەن ونى ورىنداۋ ۇدەرىستەرىنىڭ ورىندالۋى قاتاڭ باقىلاۋعا الىناتىن بولادى. «ۇشىنشىدەن, كاسىپكەرلىك شىعىندى ءتۇسىرۋ ءۇشىن سالىقتىق-كەدەن سالاسىندا جەڭىلدەتىلگەن شارالار قولدانىلادى. بۇنىڭ بارلىعى اقپاراتتىق جۇيەنى كەزەڭدىك ەنگىزۋ جولىمەن جۇزەگە اسىرىلادى. تورتىنشىدەن, مەملەكەتتىك ساتىپ الۋ سالاسىندا زاڭنامانى جەتىلدىرۋ بويىنشا شارالار جۇزەگە اسىرىلادى», - دەدى مينيستر. مينيستر 2018 جىلدىڭ سوڭىنا دەيىن كاسىپورىنداردى جەكەشەلەندىرۋ شاراسىن اياقتاۋ قاجەتتىگىن ايتتى.