قازاقستان پرەزيدەنتى اڭگىمە بارىسىندا گ.بەردىمۇحامەدوۆتى پرەزيدەنت سايلاۋىنداعى جەڭىسىمەن قۇتتىقتاپ, وعان مەملەكەتتىك قىزمەتتە تابىس جانە جاڭا جەتىستىكتەر تىلەدى, دەپ حابارلايدى اقوردانىڭ رەسمي سايتى.
مەملەكەتتەر باسشىلارى ەكى حالىقتىڭ تاريحي تۇرعىدان جاقىندىعىن, سونداي-اق مەملەكەتتەرىمىز اراسىنداعى ءداستۇرلى تاتۋ كورشىلىك قارىم-قاتىناستى اتاپ ءوتتى.
سونداي-اق ساياسي, ەكونوميكالىق جانە مادەني-گۋمانيتارلىق سالالارداعى بايلانىستى ودان ءارى نىعايتۋدىڭ ماڭىزدىلىعى ايتىلدى.
نۇرسۇلتان نازارباەۆ گۋربانگۋلى بەردىمۇحامەدوۆتى قازاقستانعا ساپارمەن كەلۋگە شاقىردى. تۇرىكمەنستان پرەزيدەنتى شاقىرۋدى زور ىلتيپاتپەن قابىل الدى.