«ۋنيۆەرسيادا مۇراسى» جوباسى اياسىندا اتلەتتەر اۋىلىنداعى 140 مىڭنان استام تۇرمىستىق زاتتار, ورگتەحنيكا, ارنايى قوندىرعىلار الماتى قالاسىنىڭ 500 الەۋمەتتىك مەكەمەلەرى اراسىندا ءبولىندى, دەپ حابارلايدى الماتى اكىمدىگى.
سپورتشىلار ءۇشىن الىنعان توسەكتەر, توڭازىتقىشتار, كىر جۋاتىن ماشينالار, سۆەتيلنيكتەر, تۋمبالار, ستولدارى, ۇتىك تاقتالارى, تەلەۆيزورلار , مەديتسينالىق قوندىرعىلار, وفيستىك تەحنيكا - بارلىعى 450-گە جۋىق زاتتار قالا اۋرۋحانالارىنا, مەكتەپتەرگە, ەمحانالارعا, بالا باقشالارعا, كوللەدج دەرگە, سپورت مەكتەپتەرىنە, جاتاقحانالارعا, ارداگەرلەر ۇيىنە تاراتىلدى.
«قالا اۋرۋحانالارىندا بىرقاتار دايىندىق جۇمىستارى جۇرگىزىلدى, ماتەريالدىق –تەحنيكالىق بازا جاقساردى, قىزمەتكەرلەر اعىلشىن ءتىلى كۋرسىنان ءوتتى. ويىندار اياقتالعالى بەرى ءبىز ۋنيۆەرسيادانىڭ وڭ اسەرىن سەزىنۋدەمىز. بىزگە قوندىرعى, جيھاز, ورگتەحنيكا بەرىلدى. بۇلاردىڭ بارلىعى كەلگەن ادامدارعا ساپالى قىزمەت كورسەتۋگە كوپ مۇمكىندىك بەرەدى. مىسالى, وتا جاسالعان سىرقاتتاردىڭ تەز ساۋىعۋى ءۇشىن جايلى ورتوپەديالىق ماتراتستار قاشاندا كەرەك»,- اتاپ ءوتتى پەريناتولوگيا جانە بالالار كارديوحيرۋرگياسى ورتالىعى ديرەكتورىنىڭ ورىنباسارى گاۋحار كوشكىمباەۆا.
«قالا اكىمشىلىگى الماتىداعى ويىنداردان سوڭ سپورت وبەكتىلەرىندە قالعان بارلىق جاڭا جيھازداردى, تەحنيكالاردى, ءتۇرلى قوندىرعىلاردى مەگاپوليستىڭ الەۋمەتتتىك مەكەمەلەرىنە ءبولىپ بەرۋ تۋرالى شەشىم قابىلداعان ەدى. بۇل بىزگە ۇلكەن قولداۋ, اسىرەسە ۇيلەرىنەن جىراقتا, جاتاقحانادا تۇراتىن بالالار ءۇشىن», - دەدى الماتى مەملەكەتتىك ەنەرگەتيكا جانە ەلەكتروندى تەحنولوگيا كوللەدجىنىڭ ديرەكتورى تولەۋعالي تايتۇلەەۆ.
ۋنيۆەرسيادا وبەكتىلەرىن پايدالانۋ جانە ۇستاۋ جونىندەگى ديرەكتور سەرگەي اپەنكو بارلىق تەحنيكالاردى, جيھازدار مەن قوندىرعىلاردى الەۋمەتتىك مەكەمەلەرگە تاراتۋ تۋرالى شەشىمدى قالا باسشىلىعىنىڭ ۋنيۆەرسيادا قارساڭىندا قابىلداعانىن ايتتى.
«قالا اكىمدىگى الەۋمەتتىك مەكەمەلەردەن قانداي تەحنيكا, جيھاز قاجەتتىگى جونىندە ءوتىنىم الىپ, ارنايى ءتىزىم جاساعان بولاتىن. ياعني, ءاربىر توسەك, تەلەۆيزور ناقتىلى مەكەنگە جەتكىزىلىپ, دۇرىس پايداعا اسادى», -دەدى س.اپەنكو.
نازارلارىڭىزعا, الماتىدا ۋنيۆەرسيادا تاريحىندا العاش رەت 5000 مىڭ ورىندى اتلەتتەر اۋىلى سالىندى. «ۋنيۆەرسيادا مۇراسى» اياسىندا بۇل تۇرعىن كەشەنى ءۇي كەزەگىندە تۇرعاندار اراسىندا بولىنەدى, سونىڭ ارقاسىندا مەگاپوليستەگى ءۇي كەزەگى 10%-عا ازايادى.