2016 جىلى تۇرعىن ءۇي قۇرىلىسى مەن ينفراقۇرىلىمدى دامىتۋعا 400 ملرد. تەڭگە ءبولىندى. ناتيجەسىندە, 2016 جىلى 8,3 مىڭ وتباسى باسپانامەن قاتماسىز ەتىلدى. بۇل تۋرالى بۇگىنگى ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى.
«مەملەكەتتىك باعدارلامادا تۇرعىن ءۇي قۇرىلىسى ماسەلەلەرى قاراستىرىلعان. 2016 جىلى تۇرعىن ءۇي قۇرىلىسى مەن ينفراقۇرىلىمدى دامىتۋعا مىنا باعىتتار بويىنشا 400 ملرد. تەڭگە ءبولىندى:«قازاقستان يپوتەكالىق كومپانياسى» يپوتەكالىق ۇيىمى» اق جەلىسى بويىنشا جالدىق تۇرعىن ءۇي قۇرىلىسىنا - 22,5 ملرد. تەڭگە; «بايتەرەك دەۆەلوپمەنت» جەلىسى بويىنشا جالدىق جانە نەسيەلىك تۇرعىن ءۇي قۇرىلىسىنا - 113 ملرد. تەڭگە, جەرگىلىكتى اتقارۋشى ورگانداردان نەسيەلىك تۇرعىن ءۇي قۇرىلىسىنا - 67 ملرد. تەڭگە, سامۇرىق قازىنا جىلجىمايتىن م ۇلىك قورى جەلىسى بويىنشا كوممەرتسيالىق تۇرعىن ءۇي قۇرىلىسىنا – 97 ملرد. تەڭگە, ينجەنەرلىك-كوممۋنيكاتسيلىق ينفراقۇرىلىم قۇرىلىسىنا – 78,5 ملرد. تەڭگە, تۇرعىن ءۇي قۇرىلىس جيناق بانكىنىڭ سالىمشىلارىن نەسيەلەۋگە – 22 ملرد. تەڭگە», - دەدى ج.قاسىمبەك.
ناتيجەسىندە, 2016 جىلى 8,3 مىڭ وتباسى باسپانامەن قاتماسىز ەتىلدى (478,8 مىڭ.كۆ.م) جانە جىل سوڭىنا دەيىن كورسەتىلگەن قارجى ەسەبىنەن 33,8 مىڭ وتباسى (1,9 ملن. كۆ. م) قوسىمشا تۇرعىن ۇيمەن قامتىلاتىن بولادى. الداعى ۋاقىتتا اتالمىش ماسەلەلەر 2016 جىلدىڭ 31 جەلتوقسانىندا بەكىتىلگەن «نۇرلى جەر» باعدارلاماسى اياسىنادا جۇزەگە اساتىن بولادى.
«باعدارلامادا تكش ينفراقۇرىلىمىن, جىلۋ جۇيەسىن, سۋمەن جابدىقتاۋ جانە سۋ تارتۋدى مودەرنيزاتسيالاۋ ماسەلەلەرى قامتىلادى.7,2 شاقىرىم بولاتىن جىلۋ بەرۋ جۇيەسى, 14,6 شاقىرىم بولاتىن سۋمەن قامتاماسىز ەتۋ جانە سۋ تارتۋ جۇيەلەرى سالىندى. 2017 جىلعا 53,0 تەڭگە قاراستىرىلعان (نەسيەنى يگەرۋ كەزەڭى كرەديتور ەسەپ-شوتىنان نەسيە اۋدارىلعان ساتىنەن باستالىپ, 2018 جىلدىڭ 10 جەلتوقسانىندا اياقتالادى).قاراستىرىلعان قارجىعا 1778 كم ينجەنەرلىك جەلىنى قايتا جاڭعىرتۋ جانە سالۋ جوسپارلانعان», - دەدى مينيستر.