ۋنيۆەرسيادا-2017 كورسەتىلىمى EUROSPORT 1 جانە 2, CBS (اقش), CCTV (قىتاي), KBS (وڭتۇستىك كورەيا), ماتچ-تۆ (رەسەي), Eurosport Asia-Pacific (اۆستراليا جانە وكەانيا) ارنالارىنان 80 ەلدە 1 ملرد. تەلەكورەرمەندىك اۋديتورياعا كورسەتىلدى. بۇل تۋرالى پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەتتىڭ كەزەكتى وتىرىسىندا مادەنيەت جانە سپورت ءمينيسترى ارىستانبەك مۇحامەدي ۇلى مالىمدەدى.
ا. مۇحامەدي ۇلى اتاپ وتكەندەي, ۋنيۆەرسيادا-2017-گە بارلىعى 57 ەلدەن 1 632 سپورتشى قاتىستى, 3 000-نان استام ەرىكتى ۇلەس قوستى. ۋنيۆەرسيادانىڭ بارلىق ءىس-شارالارىنا قاتىناسۋعا 230 مىڭنان استام بيلەت ساتىلدى.
2017 جىلعى بۇكىلالەمدىك قىسقى ۋنيۆەرسيادا سايىستارى 8 سپورتتىق نىساندا سپورتتىڭ ون ەكى ءتۇرى بويىنشا ءوتتى, ولاردىڭ ۇشەۋى - «الماتى ارەنا», «حالىق ارەنا» جانە «اتلەتيكالىق اۋىل» ۋنيۆەرسياداعا ارناپ سالىندى.
قازاقستاندىق ستۋدەنتتەر قۇراماسىنان 12 سپورت تۇرىنە 171 سپورتشى قاتىستى. مەدالداردىڭ رەكوردتىق سانىنا – 36 (11 التىن, 8 كۇمىس جانە 17 قولا) يە بولدى جانە جالپى كوماندالىق ەسەپتىڭ قورىتىندىسى بويىنشا قازاقستان 2-ءشى ورىن الدى.