حالقىمىزدا «جاقسى ات – جەلىكتىرەدى, جامان ات زەرىكتىرەدى», دەگەن ءتامسىل بار. وعان اركەزدە بولاتىن ات بايگەسىندە كوز جەتكىزىپ ءجۇرمىز. تاۋەلسىزدىگىمىزدىڭ 20 جىلدىعى مەن ءاز ناۋرىز مەيرامى قۇرمەتىنە تالدىقورعان قالاسىنداعى وتكەن جارىسقا الىس پەن نامىسقا شاباتىن سايگ ۇلىكتەر قاتىسىپ, مەرەي ءوسىردى.
قالانىڭ باتىسىنداعى اتشابار الاڭىنا جينالعان حالىق الدىندا وبلىس اكىمى سەرىك ۇمبەتوۆ سويلەپ, تۇعىرى بيىك تاۋەلسىزدىگىمىزدىڭ وتكەن جىلدارىنداعى قول جەتكىزگەن جەتىستىكتەرگە توقتالدى. شاباندوزدارعا ءساتتىلىك تىلەدى. ەلىمىزدىڭ ءانۇرانىنىڭ اسقاق رۋحى ءار كوڭىلدى كوككە كوتەردى.
بۇدان سوڭ جارىس جولىنا جەتى شاقىرىمدىق قاشىقتىققا شاباتىن قۇناندار شىقتى. اينالىم سايىن باعى مەن بابى جاراسقان جامبىل اۋدانىنىڭ «قاراقۇسى» الدىنا قارا سالماي, مارەگە دارا جەتتى. وسىلايشا قۇناننىڭ قۇلاعىندا ويناعان قارا بالا سايگ ۇلىك يەسىنە قۋانىش سىيلادى. جۇلدەلى ەكىنشى ورىن قىزىلوردالىق «بوتاكوز» اتتى جۇيرىكتىڭ ەنشىسىنە تيسە, جامبىل وبلىسىنىڭ تۇلپارى ءۇشىنشى ورىندى مىسە تۇتتى. شاباندوزدارعا اۆتوكولىك كىلتتەرى تاپسىرىلىپ, مەرەيلەرى ءوستى.
جارىس جولىنا شىققان توپ بايگەگە اتى ايتقانداي, وتىزدان استام ءجۇيرىك قاتىستى. اۋىزدىعىمەن الىسىپ, قارسىلاستارىن قاپى قالدىرعان كەربۇلاق اۋدانىنان كەلگەن اقىلباي اقبەرلينوۆتىڭ «بايسۇڭقارى» يەسىنە «جيگۋليدىڭ» كىلتىن اپەردى. كەيىنگى ورىنداردى جامبىل وبلىسى مەن قاراساي اۋدانىنىڭ جۇيرىكتەرى ءبولىستى.
جالپى سوڭعى جىلدارى جورعا جارىسىنا قاتىساتىن ءتورت ت ۇلىك تورەلەرىنىڭ قاتارى ءوسۋ ۇستىندە. ءتورت اياعىن تەڭ باسقان, سۋ توگىلمەس جورعالار اراسىندا جامبىل اۋدانىنىڭ «بايانى» باس ءجۇلدەگە, تالعارلىق «لاندىش» ەكىنشى, سارقان اۋدانىنىڭ جورعاسى ءۇشىنشى ورىنعا كوتەرىلىپ, شاباندوز بەن يەلەرىنىڭ ابىرويىن اسقاقتاتتى.
كۇمىسجان بايجان, الماتى وبلىسى.