2011 جىلعى 29 ناۋرىز №109-ءو استانا قالاسى
2011 جىلدىڭ 2 توقسانىنا ارنالعان كەدەيلىك شەگىن انىقتاۋ تۋرالى
قازاقستان رەسپۋبليكاسى ۇكىمەتىنىڭ 2000 جىلعى 8 ساۋىردەگى № 537 قاۋلىسىمەن بەكىتىلگەن كەدەيلىك شەگىن انىقتاۋ ەرەجەسىنىڭ 4-تارماعىن ورىنداۋ ءۇشىن بۇيىرامىن:
1. قازاقستان رەسپۋبليكاسى بويىنشا 2011 جىلدىڭ 2 توقسانىنا ارنالعان كەدەيلىك شەگى قازاقستان رەسپۋبليكاسىنىڭ ستاتيستيكا اگەنتتىگى وتكەن توقسانعا ەسەپتەگەن ەڭ تومەنگى كۇنكورىس دەڭگەيىنىڭ 40 پروتسەنتى مولشەرىندە انىقتالسىن.
2. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ «2011 جىلدىڭ 1 توقسانىنا ارنالعان كەدەيلىك شەگىن انىقتاۋ تۋرالى» 2010 جىلعى 29 جەلتوقسانداعى №435-ءو بۇيرىعىنىڭ (نورماتيۆتىك-قۇقىقتىق اكتىلەردى تىركەۋدىڭ مەملەكەتتىك تىزىلىمىندە №6715 تىركەلگەن جانە «ەگەمەن قازاقستان» 2011 جىلعى 7 قاڭتارداعى № 3-4; «كازاحستانسكايا پراۆدا» وت 06.01.2011 گ., №2 گازەتتەرىندە جاريالانعان) كۇشى جويىلعان دەپ تانىلسىن.
3. الەۋمەتتىك كومەك دەپارتامەنتى (ك.ا.ماناباەۆا) وسى بۇيرىقتى:
1) زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋدى جانە رەسمي جاريالاۋدى;
2) وبلىستىق, استانا جانە الماتى قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا جەتكىزۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ءا.ب.نۇسىپوۆاعا جۇكتەلسىن.
5. وسى بۇيرىق العاشقى رەسمي جاريالانعان كۇننەن باستاپ كۇشiنە ەنەدi جانە 2011 جىلدىڭ 1 ساۋىرىنەن باستاپ تۋىنداعان قاتىناستارعا قولدانىلادى.
مينيستر گ.ابدىقالىقوۆا.
–––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 29 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6849 بولىپ ەنگىزىلدى.