قازاقستان پرەزيدەنتى نۇرسۇلتان نازارباەۆ جىل سايىنعى حالىققا جولداۋىندا ۇلتتىق قور قاراجاتىن پايدالانۋ تۋرالى ايتىپ ءوتتى. ەلباسىنىڭ ايتۋىنشا, ۇلتتىق قوردان الىنعان كەپىلدەندىرىلگەن ترانسفەرت كولەمى 2020 جىلعا قاراي كەزەڭ-كەزەڭ بويىنشا 2 تريلليون تەڭگەگە قىسقارتىلۋعا ءتيىس. "سالىق ساياساتىن بيزنەستىڭ «كولەڭكەدەن» شىعۋىنا بەيىمدەپ, شيكىزاتتىق ەمەس سەكتورداعى سالىقتىق بازانى كەڭەيتۋگە باعىتتاۋ كەرەك", - دەدى نۇرسۇلتان نازارباەۆ.
سونىمەن قاتار ەلباسى قازىرگى سالىق جەڭىلدىكتەرىن وڭتايلاندىرۋ قاجەت ەكەنىن ايتتى.
"جالپىعا ورتاق دەكلاراتسيالاۋ قارساڭىندا ارناۋلى سالىق رەجىمىن جاڭاشا قاراستىرۋ كەرەك. سالىقتىق اكىمشىلەندىرۋ تەتىكتەرى جەتىلدىرۋدى تالاپ ەتەدى. ەڭ الدىمەن, مۇنىڭ قوسىمشا قۇن سالىعىن جيناۋعا قاتىسى بار», - دەپ اتاپ ءوتتى ەلباسى.
سونىمەن قاتار, ۇكىمەتكە كۆازيمەملەكەتتىك سەكتوردىڭ سىرتقى جانە ىشكى قارىزدارىنا مونيتورينگ جۇرگىزۋ مەن باقىلاۋ جاساۋ جۇيەسىن قالىپتاستىرىپ, وندا ءتارتىپ ورناتۋ جۇكتەلدى.