ءبىز – بەلسەندى كورەرمەنبىز

ەگەمەندى ەلىمىزدىڭ دامۋ جو­لىن­­­داعى ءار قادامى بىزدەر ءۇشىن ۇلكەن مارتەبە. 1993 جىلدان باس­تاپ قازاق­­ستان ۋني­ۆەرسيادا ويىن­دارى­نا قاتىسا باستاعانى بەلگىلى. وسى جىل­دار ارالىعىندا 700-دەن اس­تام سپورتشىمىز باقتارىن سىناپ, 125 جۇلدە جەڭىپ الىپتى. 2011 جىل­دىڭ 29 قاراشاسىندا حا­لىق­ارا­لىق ستۋدەنتتىك سپورت فە­دە­را­تسيا­سى الماتى قالاسىن 28-ءشى بۇكىل­­الەمدىك قىسقى ۋني­ۆەر­سيا­دا­سى­نىڭ استانا­سى رەتىن­دە تانىدى. قازاق­ستان تمد مەم­لەكەت­تەرى ار­ا­سىندا ءبىرىنشى بولىپ قىسقى ۋني­ۆەر­سيادانى قابىلداماق. 64 ەلدەن 2000 سپورتشى قاتىسۋى بول­جانۋدا. ۋنيۆەرسياداعا ايماق­تار مەن شەتەلدەن 3000 ەرىكتى جۇمىل­دىرىلىپ, جارىستى تاماشالاۋعا 30 مىڭ شەتەلدىك قوناقتار كەلەدى دەپ كۇتىلۋدە. تەلەاۋديتورياسى 80 ەلدەن 1 ميل­ليارد كورەرمەن بولادى دەپ توپ­شىلانعان ۋنيۆەرسيادا­نى 29 قاڭ­تار مەن 8 اقپان ارا­لىعىن­دا تۋعان جەرىمىزدە كورەتىنىمىز ءبىز ءۇشىن ۇلكەن قۋانىش. ءدۇبىرلى دودا­عا قازاق­ستان ازاماتى رەتىندە كول­لەدج ۇستازدارى مەن جۇمىسشى­لارى, ستۋدەنتتەر ءبىر كىسىدەي كورەر­­مەن بولۋدى جوسپارلاپ وتىر­مىز. XXVIII بۇكىلالەمدىك قىس­قى ۋني­ۆەر­سيادانىڭ ەلىمىزدە ۇيىم­داس­تىرىلۋى ءبىز ءۇشىن زور ماقتانىش. ۋنيۆەرسيادا ويىن­دارىنىڭ جوعار­عى دەڭگەيدە وتۋىنە سەنىم بىلدىرە وتى­رىپ, جەرلەستەرىمىزگە ساتتىلىك, ەلىمىزگە اسقاق ابىروي تىلەيمىز!  جۇماعالي كيبەكباەۆ, تالعار پوليتەحنيكالىق كوللەدجىنىڭ ديرەكتورى, ءبىلىم بەرۋ ءىسىنىڭ ۇزدىگى