الماتى گارنيزونىنىڭ جەكە قۇرامى كۇشەيتىلگەن تۇردە جۇمىس ىستەيدى

2017 جىلدىڭ 28 قاڭتارى 9 اقپانى ارالىعىندا الماتى گارنيزونىنىڭ جەكە قۇرامى كۇشەيتىلگەن تۇردە جۇمىس ىستەيدى, دەپ حابارلايدى قازاقپارات. «قوعامدىق تىنىشتىقتى ساقتاۋعا بارلىعى 7 700 ىشكى ىستەر ورگاندارىنىڭ قىزمەتكەرى تارتىلادى. ولاردىڭ 5 300-ءى الماتى جانە الماتى وبلىسى ءىىد-ءنىڭ قىزمەتكەرلەرى بولسا, ۇلتتىق ۇلاننان 1 مىڭ جاۋىنگەر, قورعانىس مينيسترلىگىنەن 1 مىڭ سارباز ساپتا تۇرادى. سونداي-اق, وزگە ايماقتىق ىشكى ىستەر دەپارتامەنتتەرىنەن 150 قىزمەتكەر جۇمىلدىرىلادى», - دەدى قر ءىىم ورىنباسارى ەرلان تۇرعىمباەۆ. بۇدان بولەك, تەكسەرۋ, باقىلاۋ ورىندارىندا ءيىسشىل يتتەرمەن 46 كينولوگ پەن 16 جارىلعىش تەحنيكتەرى جۇمىس اتقارادى. سونىمەن قاتار, ۋنيۆەرسيادا نىساندارىندا مەتالل انىقتاۋ دەتەكتورلارى قويىلعان 96 ارنا جۇيەسى بولادى. ۋنيۆەرسيادا نىساندارىندا كەدەرگى 100 بەتون بلوك قويىلسا, ەكى مىڭعا جۋىق بەينەباقىلاۋ كامەرالارى ۇزدىكسىز جۇمىس ىستەيتىن بولادى. ايتا كەتەيىك, بۇگىن قازاقستان پرەمەر-ءمينيسترىنىڭ ءبىرىنشى ورىنباسارى اسقار مامين  ۋنيۆەرسيادا نىساندارى: «حالىق ارەنا», سپورت كەشەنى, «سۇڭقار» شاڭعى ءترامپلينى, «الماتى ارەنا» سپورت كەشەنى جانە اتلەتيكا اۋىلىنىڭ دايىندىعىن تەكسەردى.