ەلباسى نۇرسۇلتان نازارباەۆ جوعارى سوت كەڭەسىنىڭ توراعاسى اناتولي ءسموليندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە ا.سمولين مەملەكەت باسشىسىنا جوعارى سوت كەڭەسىنىڭ 2016 جىلعى جۇمىسىنىڭ ناتيجەلەرى, سونداي-اق, «100 ناقتى قادام» ۇلت جوسپارىن ىسكە اسىرۋ بارىسىندا سۋديالاردى ىرىكتەۋ ءىسىن وڭتايلاندىرۋ جونىندە مالىمدەدى.
نۇرسۇلتان نازارباەۆ جوعارى سوت كەڭەسىنىڭ جاڭا ەرەجە مەن قابىلدانعان زاڭعا سايكەس ساپالى كادرلاردى ىرىكتەۋ باعىتىندا جۇرگىزىپ جاتقان جۇمىسىنىڭ ەرەكشە ءرولىن اتاپ ءوتىپ, ونىڭ قىزمەتىنە باسقا ورگانداردىڭ ارالاسۋىنا جول بەرىلمەيتىنىن ايتتى.
– ءبىز تولىق وبەكتيۆتىلىك بولۋ جانە ارالاسپاۋشىلىق تالابى ساقتالۋ ءۇشىن العاش رەت اۆتونومدى جوعارى سوت كەڭەسىن قۇردىق. قازىر سۋديالاردى جاڭا ەرەجەلەر مەن جاڭا زاڭعا سايكەس ىرىكتەپ جاتىرمىز, – دەدى قازاقستان پرەزيدەنتى.
ا.سمولين سۋديالاردى ىرىكتەۋ ءتارتىبى مەن بىلىكتىلىك تالاپتارىن قاتايتۋدى كوزدەيتىن ۇلت جوسپارىنىڭ 17-قادامىنىڭ ورىندالۋى تۋرالى باياندادى.
– جۇرگىزىلگەن جۇمىستار قورىتىندىسى بويىنشا سۋديا لاۋازىمىنا ەلەۋلى كاسىبي جانە ومىرلىك تاجىريبەسى بار تۇلعالار تاعايىندالادى, – دەدى ا.سمولين.
سونداي-اق, جوعارى سوت كەڭەسىنىڭ ءتوراعاسى سۋديالاردىڭ VII سەزىندە قازاقستان پرەزيدەنتى قويعان مىندەتتەردى ورىنداۋعا قاتىستى جۇمىستار تۋرالى حابارلادى.
مەملەكەت باسشىسى كەزدەسۋ قورىتىندىسى بويىنشا سوت جۇيەسىندەگى كادرلىق جۇمىستى جەتىلدىرۋ ءىسىن جالعاستىرۋدى تاپسىردى.
سۋرەت پرەزيدەنتتىڭ ءباسپاسوز
قىزمەتىنەن الىندى