قالالىق شەشىمدەر بيۋروسى قالا تۇرعىندارى مەن بيلىگى اراسىندا ءتيىمدى بايلانىس قۇرۋ ءۇشىن قۇرىلدى. ميسسيا اقىلدى تەحنولوگيالار ارقىلى تاراپتاردىڭ ديالوگىن ورناتۋعا باعىتتالعان. استانا بيلىگى ءۇش اي ىشىندە سالالىق باعدارلامالاردى جاريالايتىن بولادى, دەپ حابارلادى ەلوردا اكىمدىگىنىڭ ءباسپاسوز قىزمەتى.
العاشقى تىڭداۋلار 12 قاڭتار كۇنى قوعامدىق كولىكتىڭ وزەكتى ماسەلەلەرى بويىنشا وتكەن, ەكىنشى تىڭداۋ 18 قاڭتاردا پيك جۇمىسىنا ارنالدى. بيۋرونىڭ مىندەتىنە ەلوردا اكىمدىگىنىڭ سايتىندا جانە الەۋمەتتىك جەلىلەردە شاعىمدار, پىكىرلەر, وتىنىشتەر جيناۋ كىرەدى. ودان ارى تۇسكەن وتىنىشتەرگە مونيتورينگ جۇرگىزۋ جانە ولاردى تالداۋ ارقىلى اسا ماڭىزدى تاقىرىپتار ىرىكتەلىپ, ولار قالا حالقىنىڭ قاتىسۋىمەن قوعامدىق تىڭداۋعا شىعارىلاتىن بولادى. وتكىزىلەتىن شارالار شەڭبەرىندە تالقىلاناتىن بارلىق پروبلەمالىق ماسەلەلەر 24 ساعاتتىڭ ىشىندە باق-تا جاريالاناتىن بولادى. وسىدان كەيىن 15 كۇننىڭ ىشىندە بيۋرو ساراپشىلار قوعامىنان, تۇرعىنداردان جانە بارلىق مۇددەلى تۇرعىنداردان كەرى بايلانىس الادى. جينالعان اقپاراتتى وڭدەپ, جۇيەلەگەننەن كەيىن ساۋالدار قالا بيلىگىنە ورىنداۋعا بەرىلەدى.
قالالىق شەشىمدەر بيۋروسىنىڭ جانىنان جەدەل جەلى تەلەفونى جۇمىس ىستەيدى: 8700 7172 109. وسى نومەر ارقىلى قالا تۇرعىندارىنان حابارلامالار قابىلدايتىن WhatsApp مەسسەندجەرى دە جۇمىس ىستەيدى. سونداي-اق, info@suraa.kz ەلەكتروندىق پوشتاسى بار.
ەسكە سالساق, 2016 جىلدىڭ قىركۇيەگىنەن اسەت يسەكەشەۆتىڭ تاپسىرماسىمەن اقپاراتتىق-تالداۋ توبى قۇرىلدى. ول ءتۇرلى تاقىرىپتار بويىنشا اعىمداعى جاعداي تۋرالى قالا تۇرعىندارىنىڭ سىن پىكىرلەرى ورنالاسقان الەۋمەتتىك جەلىلەرگە مونيتورينگ جۇرگىزەدى.