مەملەكەتتىك سەكتور ەكونوميكانى تىكەلەي ينۆەستيتسيالاۋداعى ءوز قاتىسۋىن ازايتتى. 2016 جىلى نەگىزگى كاپيتالعا بيۋدجەتتىك ينۆەستيتسيالار كولەمى 7%-عا دەيىن قىسقاردى. سونىمەن قاتار, جالپى ينۆەستيتسيالىق قورجىن 10%-عا وسكەن, دەپ جازدى finprom.kz.
جالپى ينۆەستيتسيالار كولەمىنىڭ ۇشتەن ەكى بولىگىن مەنشىكتى بيزنەس قاراجاتى قۇراعان. 2016 جىلدىڭ قورىتىندىسى بويىنشا, نەگىزگى كاپيتالعا بيۋدجەتتىك ينۆەستيتسيالار كولەمى 7,7 تريلليون تەڭگەدەن استى. 5,3 تريلليون تەڭگە سوماسىنا جاڭا نەگىزگى قورلار قولدانۋعا بەرىلدى, بۇل 2015 جىلمەن سالىستىرعاندا 10%-عا كوپ. مەملەكەتتىك ينۆەستيتسيالاردىڭ ۇلەس سالماعى 18-دەن 15 پايىزعا دەيىن قىسقارعان.
ينۆەستيتسيالاردىڭ نەگىزگى كولەمىن, شامامەن ۇشتەن ەكى بولىگى - 4,7 تريلليون تەڭگەنى بيزنەس ءوز ەسەبىنەن قامتاماسىز ەتكەن. كولەمى بويىنشا, ەكىنشى ينۆەستيتسيالاۋ كوزى - قارىز قاراجاتى 1,4 تريلليون تەڭگە, جىلدىق ءوسىمى - 14,8%. شەتەلدىك ينۆەستيتسيالاردىڭ ەكونوميكامىزعا ۇلەس سالماعى جالپى قورجىننىڭ 30%-ىن (2,3 تريلليون تەڭگە) قۇراعان. ءوسىمى - 10,4%.