2011 جىلعى 18 اقپان, استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ 2006 جىلعى 14 ناۋرىزداعى №155 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 14 ناۋرىزداعى №155 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 8, 71-كۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىندە:
8-تارماق مىناداي رەداكتسيادا جازىلسىن:
«8. اەروناۆيگاتسيا سالاسىندا:
1) حالىقارالىق ۇشۋدى جۇزەگە اسىراتىن اۋە كەمەلەرىنە اەروناۆيگاتسيالىق قىزمەت كورسەتۋدى قوسپاعاندا, قازاقستان رەسپۋبليكاسىنىڭ اۋە كەڭەستىگىندەگى اۋە كەمەلەرىنە اەروناۆيگاتسيالىق قىزمەت كورسەتۋ;
2) حالىقارالىق ۇشۋدى جۇزەگە اسىراتىن اۋە كەمەلەرىنە اەروناۆيگاتسيالىق قىزمەت كورسەتۋدى قوسپاعاندا, اۋەايلاق ماڭىنداعى اۋە كەمەلەرىنە اەروناۆيگاتسيالىق قىزمەت كورسەتۋ.»;
9-تارماقتىڭ 2) تارماقشاسى مىناداي رەداكتسيادا جازىلسىن:
«2) اۋەجايلاردىڭ قىزمەتتەرى:
قازاقستان رەسپۋبليكاسىنىڭ اۋەجايلارىندا كوممەرتسيالىق ەمەس ماقساتتاردا تەحنيكالىق قونۋدى جۇزەگە اسىرا وتىرىپ, قازاقستان رەسپۋبليكاسىنىڭ اۋە كەڭەستىگى ارقىلى ترانزيتتىك ۇشىپ ءوتۋدى جۇزەگە اسىراتىن اۆياتاسىمالدارعا قىزمەت كورسەتۋدى قوسپاعاندا, اۋە كەمەسىنىڭ ۇشۋى مەن قونۋىن قامتاماسىز ەتۋ;
قازاقستان رەسپۋبليكاسىنىڭ اۋەجايلارىندا كوممەرتسيالىق ەمەس ماقساتتاردا تەحنيكالىق قونۋدى جۇزەگە اسىرا وتىرىپ, قازاقستان رەسپۋبليكاسىنىڭ اۋە كەڭەستىگى ارقىلى ترانزيتتىك ۇشىپ ءوتۋدى جۇزەگە اسىراتىن اۆياتاسىمالدارعا قىزمەت كورسەتۋدى قوسپاعاندا, اۆياتسيالىق قاۋىپسىزدىكتى قامتاماسىز ەتۋ;
قازاقستان رەسپۋبليكاسىنىڭ اۋەجايلارىندا كوممەرتسيالىق ەمەس ماقساتتاردا تەحنيكالىق قونۋدى جۇزەگە اسىرا وتىرىپ, قازاقستان رەسپۋبليكاسىنىڭ اۋە كەڭەستىگى ارقىلى ترانزيتتىك ۇشىپ ءوتۋدى جۇزەگە اسىراتىن اۆياتاسىمالدارعا قىزمەت كورسەتۋدى قوسپاعاندا, قوناتىن اۋەجايدا وڭدەۋگە (تيەۋگە جانە/نەمەسە تۇسىرۋگە) جاتاتىن جۇكتەر (پوچتالار) بولعان جاعدايدا, جولاۋشىلار تاسىمالدايتىن اۋە كەمەسىنە قونعاننان كەيىن ءۇش ساعاتتان جانە جۇك تاسىمالدايتىن جانە جۇك-جولاۋشىلار تاسىمالدايتىن اۋە كەمەلەرىنىڭ سەرتيفيكاتتالعان ۇلگىلەرى ءۇشىن التى ساعاتتان استام تۇراق ورنىن بەرۋ;
اۋە كەمەسىنە بازالىق اۋەايلاقتا تۇراق ورنىن بەرۋ;
جولاۋشىلاردى تىركەۋگە ارنالعان جۇمىس ورنىن (الاڭىن) بەرۋ.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.