فرانتسيانىڭ La Poste پوشتا قىزمەتى حاتتار مەن سالەمدەمەلەردى جەتكىزۋ ءۇشىن درونداردى قولداناتىن بولدى. ءتىپتى, كومپانيا اتالعان قىزمەت ءۇشىن ازاماتتىق اۆياتسيانىڭ باس باسقارماسىنان رۇقسات تا الىپتى. الدىمەن دروندار فرانتسيانىڭ وڭتۇستىك-شىعىسىنداعى ۆار دەپارتامەنتىنە جىبەرىلەدى, دەپ جازدى Platforma باسىلىمى.
بۇعان دەيىن درونداردى بۇل ماقساتتا اۆستراليا, سينگاپۋر, شۆەيتساريا, Amazon كومپانياسى اقش-تا ارا-تۇرا قولدانىپ تۇردى. بىراق ونىڭ ءجيى قولدانىلۋى ءالى ەشقانداي ەلدىڭ تاجىريبەسىندە جوق.
اتالعان تاسىمال ءتۇرى ەكى جىل بويى سىناقتان وتكىزىلىپتى. اپپاراتتار وسى ۋاقىت ارالىعىندا بارلىعى 600 ساعات اۋادا بولعان. سونىمەن قاتار دروننىڭ قونۋى ءۇشىن ارنايى ورىندار دا جاساقتالعان. ءبىر ايتا كەتەرلىگى, دروندار كوممەرتسيالىق كومپانيالاردىڭ سالماعى 3 كيلوگرامنان اسپايتىن پوشتاسىن تاسيدى. ولار 20 كم بويى 30 كم/ساعات جىلدامدىقپەن ۇشا الادى. سونداي-اق ناۆيگاتسيا ءۇشىن اپپارات كامەرا مەن GPS قولدانادى. ال اقاۋ پايدا بولعان جاعدايدا, اۆتوماتتى پاراشيۋت قوسىلادى.
كوز الدىلارىڭىزعا اتالعان پروتسەستەردى ەلەستەتۋ ءۇشىن Amazon ينتەرنەت كومپانياسىنىڭ باسشىسى دجەفف بەزوستىڭ پوشتا قىزمەتىنە درونداردى ەڭ العاش قولدانعان كەزدەگى ۆيدەوسىن نازارلارىڭىزعا ۇسىنامىز.