2016 جىلعى اۋىلشارۋاشىلىق قۇرىلىمدارى وتكىزگەن وسىمدىك شارۋاشىلىعى ءونىمى 6,1%, مال شارۋاشىلىعى ءونىمى - 9,4%-عا قىمباتتادى, دەپ ءمالىم ەتتى قر ۇەم ستاتيستيكا كوميتەتى.
وتكەن جىلى باعا قاراقۇمىققا 26,5%, بيدايعا – 8,3%, قارا بيدايعا – 6,2%, ارپاعا – 4,7%, تارىعا – 2,6%, س ۇلىعا – 2,1%, جۇگەرىگە – 0,9%-عا ءوستى, ال كۇرىشكە 13,5%-عا تومەندەدى. اسحانالىق ءسابىز 2,5%, اسحانالىق قىزىلشا – 2,4%, باستى پياز – 0,9%-عا قىمباتتادى, ال قىرىققابات 9,3%, كارتوپ – 2,3%-عا ارزاندادى.
باعا ماقتاعا 27,4%, سويا بۇرشاققا – 19,4%, قانت قىزىلشاسىنا – 18,7%, كۇنباعىس تۇقىمىنا – 12,9%, تەمەكىگە 12,6%-عا ءوستى. قۇس ەتى 12,7%, شوشقا ەتى – 7,6%, ءىرى قارا مال ەتى – 5,8%, جىلقى ەتى – 1,9%, قوي ەتى – 1,8%-عا قىمباتتادى. باعا جۇمىرتقاعا – 19%, شيكى سۇتكە – 10,4%, ەلتىرىگە – 8,8%, بالعا 2,7%-عا ءوستى.