ۆياچەسلاۆ سون «بايتەرەك» ۇلتتىق باسقارۋشى حولدينگى» اق-نىڭ باسقارۋشى ديرەكتورى بولىپ تاعايىندالدى, دەپ حابارلادى «بايتەرەك» ۇلتتىق باسقارۋشى حولدينگى» اق ءباسپاسوز قىزمەتى.
ۆياچەسلاۆ سوننىڭ زاڭ سالاسىنداعى 12 جىلدىق باسقارۋشىلىق جۇمىس ءوتىلى بار. ەڭبەك قىزمەتىن ول 2002 جىلى «قازاقستان دامۋ بانكى» اق توبىندا باعالى قاعازدارمەن جۇمىستى قۇقىقتىق قامتاماسىز ەتۋ ءبولىمىنىڭ زاڭگەرى لاۋازىمىنان باستاپ, زاڭ دەپارتامەنتىنىڭ ديرەكتورىنا دەيىن كوتەرىلگەن. ودان كەيىن «تاۋ-كەن سامۇرىق» ۇلتتىق تاۋ-كەن كومپانياسى» اق باسقارۋشى ديرەكتورى, قر قورعانىس مينيسترلىگىنىڭ «قازارناۋلىەكسپورت» رمك باس ديرەكتورىنىڭ ورىنباسارى قىزمەتتەرىن اتقارعان. 2013 جىلدان باستاپ «بايتەرەك» ۇلتتىق باسقارۋشى حولدينگى» اق اۋديت جانە باقىلاۋ دەپارتامەنتىنىڭ ديرەكتورى لاۋازىمىن اتقارۋدا.
ۆياچەسلاۆ سون قازاق گۋمانيتارلىق زاڭ ۋنيۆەرسيتەتىن (قۇقىقتانۋ), زاماناۋي گۋمانيتارلىق ۋنيۆەرسيتەتىن (لينگۆيستيكا), سونداي-اق حالىقارالىق بيزنەس ۋنيۆەرسيتەتىن (مۆا, قارجى جانە كرەديت) اياقتاعان.