بيىلعى جىلى الماتى وبلىسىندا ءبىلىم سالاسىنىڭ 48 نىسانىنىڭ قۇرىلىسى جۇرگىزىلمەك. ءبىر جىلدا ءبىر سالانىڭ وزىنەن وسىنشاما نىساندى سالۋ بۇرىن-سوڭدى بولماعان كورسەتكىش. بۇل ءبىلىم مەكەمەلەرىنىڭ 39-ى بيىلعى جىلى ىسكە قوسىلسا, 9-ىنىڭ قۇرىلىسى كەلەسى جىلى دا جالعاساتىن بولادى, دەپ حابارلايدى الماتى وبلىسى اكىمدىگىنىڭ ءباسپاسوز قىزمەتى.
جالپى 2017 جىلعا الماتى وبلىسىندا 353 نىساننىڭ قۇرىلىسى جوسپارلانعان. ونىڭ 70-ءى - الەۋمەتتىك باعىتتا, اتاپ ايتقاندا ءبىلىم بەرۋ جانە دەنساۋلىق ساقتاۋ سالاسىنىڭ نىساندارى, 35-ءى ينجەنەرلىك ينفراقۇرىلىم نىسانى, 31-ءى ۆەتەرينارلىق-پروفيلاكتيكالىق پۋنكت. سونىمەن قاتار ىشكى ىستەر ورگاندارىنىڭ 64 نىسانى جانە باسقالارى بار. جالپى بيىلعى جىلى بۇلاردىڭ 288-ءىن ىسكە قوسۋ جوسپارلانىپ وتىر,
بيىلعى جىلى سپورت سالاسى دا نازاردان تىس قالمايدى. جاقىن ارادا وبلىستىڭ ەلدى مەكەندەرىندە جاڭا دەنە شىنىقتىرۋ-ساۋىقتىرۋ كەشەندەرى, سپورتتىق الاڭدار جانە باسقا دا ماڭىزدى نىساندار پايدالانۋعا بەرىلمەك.