قر پرەمەر-ءمينيسترى باقىتجان ساعىنتاەۆ ۇكىمەت وتىرىسىندا مينيسترلىكتەرگە ازاماتتاردىڭ كەلگەن جەرىندە ۋاقىتشا تىركەلۋ نورمالارى مەن ەرەجەلەرى تۋرالى اۋقىمدى ءتۇسىندىرۋ جۇمىستارىن جۇرگىزۋدى تاپسىردى.
«قازىر قوعامدا, بۇقارالىق اقپارات قۇرالدارىندا ازاماتتاردىڭ ۋاقىتشا تىركەلۋىنە قاتىستى تاقىرىپ بەلسەندى تۇردە تالقىلانۋدا. حالىقتىڭ كوكەيىندە جۇرگەن سۇراقتارى كوپ, ال اقپارات جەتكىلىكسىز. حالىققا قىزمەت كورسەتۋ ورتالىقتارىندا كەزەك كوبەيگەن», – دەدى ب. ساعىنتاەۆ.
پرەمەر-مينيستر قر ءىىم-ىنە قر اكم-مەن بىرلەسىپ جاڭاشىلدىقتى ءتۇسىندىرۋ بويىنشا اۋقىمدى اقپاراتتىق جۇمىستار جۇرگىزۋدى جانە تىركەۋ شاراسىن بارىنشا جەدەل جۇزەگە اسىرۋدى تاپسىردى.
ب. ساعىنتاەۆ ازاماتتارعا وزدەرى ءۇشىن قولايلى ۋاقىتتا تىركەلۋگە مۇمكىندىك بەرۋ كەرەكتىگىن جانە حقكو-دا جۇمىس ىستەيتىن تەرەزەلەر سانىن, قىزمەت كورسەتەتىن وپەراتورلار سانىن بارىنشا كوبەيتۋ كەرەكتىگىن اتاپ ءوتتى.